പോസ്റ്റ് ഓഫീസ് നിക്ഷേപകർക്കും ഇന്റർനെറ്റ് ബാങ്കിം​ഗ് സൗകര്യം; രജിസ്റ്റർ ചെയ്യേണ്ടത് എങ്ങനെ?

പോസ്റ്റ് ഓഫീസ് സേവിംഗ്സ് ബാങ്ക് അക്കൗണ്ടുള്ള ഉപഭോക്താക്കൾക്ക് ഇനി ഇന്റർനെറ്റ് ബാങ്കിം​ഗ് സൗകര്യവും ലഭ്യമാണ്. ഈ സൗകര്യം ഉപയോ​ഗപ്പെടുത്തി ഒരു പോസ്റ്റ് ഓഫീസ് സേവിംഗ്സ് ബാങ്ക് (പിഒഎസ്ബി) അക്കൗണ്ടിൽ നിന്നും മറ്റൊരു പോസ്റ്റ് ഓഫീസ് സേവിംഗ്സ് ബാങ്ക് അക്കൌണ്ടിലേക്ക് പണം ട്രാൻസ്ഫർ ചെയ്യാവുന്നതാണ്. ebanking.indiapost.gov.in എന്ന വെബ്സൈറ്റ് വഴിയാണ് ഉപഭോക്താക്കൾക്ക് നെറ്റ് ബാങ്കിം​ഗ് സേവനം ലഭിക്കുന്നത്.

ആവശ്യമായവ

• സാധുതയുള്ള ആക്ടീവ് സിംഗിൾ അല്ലെങ്കിൽ സംയുക്ത സേവിംഗ്സ് അക്കൗണ്ട്

• കെവൈസി രേഖകൾ

• എടിഎം/ ഡെബിറ്റ് കാർഡ്

• മൊബൈൽ നമ്പർ

• ഇ-മെയിൽ അഡ്രസ്

• പാൻ കാർഡ്

ഇന്റർനെറ്റ് ബാങ്കിം​ഗിന്റെ നേട്ടങ്ങൾ

• സേവിം​ഗ്സ് ബാങ്ക് അക്കൗണ്ടിൽ നിന്ന് റിക്കറിം​ഗ് ഡിപ്പോസിറ്റിലേയ്ക്കും ഫിക്സഡ് ഡിപ്പോസിറ്റ് അക്കൗണ്ടിലേയ്ക്കും ഓൺലൈനായി പണം ട്രാൻസ്ഫർ ചെയ്യാം

• റിക്കറിം​ഗ് ഡിപ്പോസിറ്റ്, എഫ്ഡി എന്നിവ ഓപ്പൺ ചെയ്യാനും ക്ലോസ് ചെയ്യാനും നെറ്റ് ബാങ്കിം​ഗ് സേവനം പ്രയോജനപ്പെടുത്താം

താഴെ പറയുന്നവയാണ് ഇന്ത്യ പോസ്റ്റ് ഇന്റർനെറ്റ് ബാങ്കിം​ഗ് സേവനത്തിന് രജിസ്റ്റർ ചെയ്യുന്നതിനുള്ള നടപടിക്രമങ്ങൾ.

സ്റ്റെപ് 1

• നിങ്ങളുടെ ശാഖയിലെത്തി ആപ്ലിക്കേഷൻ ഫോം പൂരിപ്പിക്കുക

• ആവശ്യമായ രേഖകൾ സഹിതം അപേക്ഷാ ഫോം സമർപ്പിക്കുക

സ്റ്റെപ് 2

• അഭ്യർത്ഥന വിജയകരമായി പ്രോസസ് ചെയ്തുകഴിഞ്ഞാൽ, രജിസ്റ്റർ ചെയ്ത മൊബൈൽ നമ്പറിലേക്ക് എസ്എംഎസ് അലേർട്ട് ലഭിക്കും

• എസ്എംഎസ് വഴി ലഭിച്ച URLൽ ക്ലിക്ക് ചെയ്ത് ഇന്ത്യ പോസ്റ്റ് ഇൻറർനെറ്റ് ബാങ്കിംഗ് പേജ് തുറക്കുക

• തുടർന്ന് ന്യൂ യൂസർ ആക്റ്റിവേഷൻ എന്ന ഹൈപ്പർ ലിങ്കിൽ ക്ലിക്ക് ചെയ്യുക

സ്റ്റെപ് 3

• ആവശ്യമായ വിശദാംശങ്ങൾ നൽകി ഇന്റർനെറ്റ് ബാങ്കിംഗ് ലോഗിൻ യൂസർ നെയിമും പാസ്‍വേഡും സെറ്റ് ചെയ്യുക

• തുടർന്ന് ലോ​ഗിൻ ചെയ്ത് സുരക്ഷാ ചോദ്യത്തിന് ഉത്തരം നൽകുക

• അതിനുശേഷം നിങ്ങൾക്ക് ആവശ്യമായ സേവനങ്ങൾ നെറ്റ്ബാങ്കിം​ഗ് വഴി നടപ്പിലാക്കാം.

malayalam.goodreturns.in