പബ്ലിക് പ്രൊവിഡന്റ് ഫണ്ട്; ഫോം എച്ചിനെക്കുറിച്ച് തീർച്ചയായും അറിയേണ്ട കാര്യങ്ങൾ

ഇന്നുള്ളതിൽ ഏറ്റവും സുരക്ഷിതത്വം അവകാശപ്പെടാവുന്നതായ ദീർഘകാല ഡെറ്റ് നിക്ഷേപമാണ് പബ്ലിക് പ്രൊവിഡന്റ് ഫണ്ട് എന്നറിയപ്പെടുന്ന പിപിഎഫുകൾ. ഇതിന് കേന്ദ്ര സർക്കാരിന്റെ ​ഗ്യാരണ്ടിയുണ്ട് എന്നതിനാൽ പണം തീർത്തും സുരക്ഷിതവുമാണ്.  കൂടാതെ മെച്യൂരിറ്റി സമയത്തെക്കുറിച്ച് പറയുമ്പോൾ, പി‌പി‌എഫ് അല്ലെങ്കിൽ പബ്ലിക് പ്രൊവിഡൻറ് ഫണ്ട് അക്കൗണ്ട് ഉടമകൾ ഫോം എച്ച് നെക്കുറിച്ച് അറിഞ്ഞിരിക്കേണ്ടത് അത്യാവശ്യമാണ്. കാലാവധി 15 വർഷമാണ് എന്നിരിക്കേ ഓരോ പുതുക്കലിനും 5 വർഷം കൂടി അക്കൗണ്ട് തുടരുകയും ചെയ്യാവുന്നതാണ്.

കൂടാതെ പി‌പി‌എഫ് അക്കൗണ്ട് ഉടമകൾ‌ കാലാവധി പൂർത്തിയായതിനുശേഷം കോൺ‌ട്രിബ്യൂഷൻ മോഡിൽ‌ തുടരാൻ‌ താൽ‌പ്പര്യപ്പെടുന്നെങ്കിൽ‌, അക്കൗണ്ടിന്റെ കാലാവധി പൂർത്തിയായ തീയതി മുതൽ‌ ഒരു വർഷത്തിനുള്ളിൽ‌ അവർ‌ ഫോം എച്ച് സമർപ്പിക്കേണ്ടതുണ്ട് എന്ന കാര്യം മറക്കരുത്. പിപിഎഫ് അക്കൗണ്ടിലെ പുതിയ നിക്ഷേപങ്ങൾക്ക് ആദായനികുതി നിയമത്തിലെ സെക്ഷൻ 80 സി പ്രകാരം കിഴിവ് ലഭിക്കാനും മേൽ പറഞ്ഞ ഫോം പൂരിപ്പിച്ച് നൽകേണ്ടതാണ്.

എന്നാൽ ബാങ്കുകളുടെ വെബ്‌സൈറ്റുകളിൽ നിന്നും ഇന്ത്യാ പോസ്റ്റിൽ നിന്നും ഡൗൺലോഡ് ചെയ്യാൻ കഴിയുന്ന ലളിതമായ ഒരു പേജ് ഫോമാണ് പിപിഎഫ് ഫോം എച്ച്. അക്കൗണ്ട് കൈവശമുള്ളയാൾ പോസ്റ്റോഫീസിലോ ബാങ്കിലോ ഫോം സമർപ്പിക്കണം. കൂടാതെ പി‌പി‌എഫ് അക്കൗണ്ട് വിപുലീകരിച്ചതിനുശേഷം, വരിക്കാരന് ഓരോ വർഷവും ഒരു ഭാഗിക പിൻ‌വലിക്കൽ നടത്താൻ അർഹതയുണ്ട്.

പി‌പി‌എഫ് അക്കൗണ്ട് ഉടമകൾ‌ അക്കൗണ്ട് പൂർ‌ത്തിയാകുമ്പോൾ ഫോം എച്ച് സമർപ്പിച്ചിട്ടില്ലെങ്കിൽ‌, പുതിയ നിക്ഷേപം അനുവദിക്കില്ല, എന്നാൽ ബാക്കി പലിശ നേടുന്നത് തുടരാനാകും. അക്കൗണ്ട് ഉടമകൾക്ക് അവരുടെ പിപിഎഫ് അക്കൗണ്ട് തുടരാൻ താൽപ്പര്യമുണ്ടെങ്കിൽ, അവ ക്ലോസ് ചെയ്യാതെ എക്സ്റ്റൻഡ് ചെയ്യുന്നതാണുത്തമമെന്ന് ധനകാര്യ ആസൂത്രകർ പറയുന്നു.
malayalam.goodreturns.in