പാൻ കാർഡുകൾ ആധാറുമായി ബന്ധിപ്പിക്കുന്നതിന് 2020 മാർച്ച് 31 വരെയാണ് സർക്കാർ സമയപരിധി നിശ്ചയിച്ചിരിക്കുന്നത്. അതുകൊണ്ട് തന്നെ ഈ പരിധിയ്ക്ക് മുമ്പ് പാൻ കാർഡ് ആധാറുമായി ബന്ധിപ്പിച്ചില്ലെങ്കിൽ ആദായനികുതി വകുപ്പിന് 10,000 രൂപ പിഴ നൽകേണ്ടി വരും. ലിങ്കുചെയ്യാത്ത പാൻ കാർഡുകൾ പ്രവർത്തനരഹിതമാകുമെന്നാണ് ആദായ നികുതി വകുപ്പ് ആദ്യം പ്രഖ്യാപിച്ചിരുന്നത്. എന്നാൽ ഇപ്പോൾ, ഏറ്റവും പുതിയ വിജ്ഞാപനത്തിൽ, ഇത്തരം പാൻ കാർഡ് ഉടമകൾക്ക് ആദായനികുതി നിയമപ്രകാരം പ്രത്യാഘാതങ്ങൾ നേരിടേണ്ടിവരുമെന്ന് ഐടി വകുപ്പ് വ്യക്തമായി പരാമർശിച്ചിട്ടുണ്ട്. ഇതിന് മുമ്പ് ആധാറും പാനും ബന്ധിപ്പിക്കാനുള്ള അവസാന തീയതികൾ പല തവണ മാറ്റി വച്ചിട്ടുണ്ടെങ്കിലും ഇത്തവണ ഇതുവരെ തീയതി നീട്ടി വയ്ക്കുമെന്ന സൂചനകൾ ലഭിച്ചിട്ടില്ല.
പാൻ കാർഡ് പ്രവർത്തനരഹിതമായാൽ എന്തുസംഭവിക്കും?
നിങ്ങളുടെ പാൻ പ്രവർത്തനരഹിതമാകുമ്പോൾ, ആദായനികുതി നിയമത്തിലെ സെക്ഷൻ 272 ബി അനുസരിച്ച് 10,000 രൂപ പിഴ ഈടാക്കും. എന്നാൽ ബാങ്ക് അക്കൗണ്ട് തുറക്കുക, ഡ്രൈവിംഗ് ലൈസൻസിനായി അപേക്ഷിക്കുക തുടങ്ങിയ നികുതിയുമായി ബന്ധമില്ലാത്ത ആവശ്യങ്ങൾക്കായി ഐഡന്റിറ്റി പ്രൂഫായി നിങ്ങളുടെ പാൻ കാർഡ് ഉപയോഗിക്കുകയാണെങ്കിൽ പിഴ ഈടാക്കില്ല. എന്നാൽ, പ്രവർത്തനരഹിതമായ പാൻ ഉപയോഗിച്ച് തുറന്ന ബാങ്ക് അക്കൗണ്ടിന് വരുമാനനികുതിയുടെ പരിധിയിൽ വരുന്ന ഇടപാടുകൾ ഉണ്ടെങ്കിൽ സങ്കീർണതകൾ ഉണ്ടാകാം.
പാൻ കാർഡ് ഉടൻ അസാധുവാകും, വീണ്ടും ആധാറുമായി ബന്ധിപ്പിക്കേണ്ട അവസാന തീയതി പ്രഖ്യാപിച്ചു
ലിങ്ക് ചെയ്ത് കഴിഞ്ഞാൽ
50,000 രൂപ ബാങ്കിൽ നിക്ഷേപിക്കുന്നതിനും പിൻവലിക്കുന്നതിനും പാൻ കാർഡ് ആവശ്യമാണ്. ആധാറും പാനും ലിങ്കുചെയ്തുകഴിഞ്ഞാൽ, ലിങ്കുചെയ്യുന്ന തീയതിക്ക് ശേഷം പിഴകളൊന്നും ബാധകമല്ല. പ്രവർത്തനരഹിതമായ പാൻ കാർഡുള്ളവർ, ലിങ്കിംഗ് പൂർത്തിയാക്കിക്കഴിഞ്ഞാൽ പുതിയ പാൻ കാർഡിനായി വീണ്ടും അപേക്ഷിക്കേണ്ടതില്ല. പാൻ കാർഡ് വീണ്ടും സാധുതയുള്ളതായിത്തീരും.
എന്താണ് മാസ്ക് ചെയ്ത ആധാർ കാർഡ്? എങ്ങനെ ഡൌൺലോഡ് ചെയ്യാം?
നിങ്ങളുടെ പാൻ, ആധാർ എന്നിവ ലിങ്കുചെയ്തിട്ടുണ്ടോയെന്ന് എങ്ങനെ പരിശോധിക്കാം?
ലിങ്കിംഗിന്റെ നില പരിശോധിക്കുന്നതിന് ഈ ലളിതമായ നടപടിക്രമങ്ങൾ പരിശോധിക്കുക
- Www.incometaxindiaefiling.gov.in/aadhaarstatus സന്ദർശിക്കുക
- പാൻ, ആധാർ നമ്പർ നൽകുക
- 'View Link Aadhaar Status' എന്ന ഓപ്ഷനിൽ ക്ലിക്കുചെയ്യുക
- ലിങ്കിംഗിന്റെ നില അടുത്ത സ്ക്രീനിൽ പ്രദർശിപ്പിക്കും
ആധാർ നഷ്ടമായാൽ ആശങ്കപ്പേടേണ്ടതില്ല; എംആധാറിൽ നിന്ന് ആധാർ കാർഡ് വീണ്ടെടുക്കാം