നാഷണൽ പെൻഷൻ സ്കീം (എൻ‌പി‌എസ്) മികച്ച നിക്ഷേപ ഓപ്ഷനാണോ? നിങ്ങളുടെ സംശയങ്ങൾക്കുള്ള ഉത്തരം ഇതാ

എൻ‌പി‌എസ് അക്കൌണ്ട് ആർക്കൊക്കെ തുറക്കാം?

18 നും 65 നും ഇടയിൽ പ്രായമുള്ള ഏതൊരു ഇന്ത്യൻ പൗരനും എൻ‌പി‌എസ് അക്കൌണ്ട് തുറക്കാൻ‌ കഴിയും. ടയർ I, II എന്നിങ്ങനെ രണ്ട് വിഭാഗങ്ങളാണുള്ളത്. ടയർ I ഒരു പെൻഷൻ പദ്ധതിയാണ്, ഒപ്പം പിൻവലിക്കലിന് നിയന്ത്രണങ്ങളുമുണ്ട്. മ്യൂച്വൽ ഫണ്ടുകളുമായി ബന്ധപ്പെട്ട ചെലവുകളില്ലാത്ത, ടയർ II ന് പിൻവലിക്കലിന് ഒരു നിയന്ത്രണവുമില്ല, മ്യൂച്വൽ ഫണ്ട് പോലെ തന്നെ പ്രവർത്തിക്കുന്നു.

നിക്ഷേപത്തിലൂടെ നികുതി ലാഭിക്കൂ.... അതിനായുള്ള ചില നിക്ഷേപ ഓപ്‌ഷനുകൾ ഇവയാണ്

ഫണ്ട് മാനേജ്മെന്റ്

എൻ‌പി‌എസിലെ ഫണ്ടുകൾ കൈകാര്യം ചെയ്യുന്നത് എസ്‌ബി‌ഐ, എൽ‌ഐ‌സി, യു‌ടി‌ഐ, എച്ച്ഡി‌എഫ്‌സി, ഐ‌സി‌ഐ‌സി‌ഐ തുടങ്ങിയ പെൻഷൻ ഫണ്ട് മാനേജർമാരാണ്. എൻ‌പി‌എസ് ഇക്വിറ്റി, കോർപ്പറേറ്റ് ഡിബഞ്ചറുകൾ, ഗവൺമെന്റ് ബോണ്ടുകൾ തുടങ്ങി വിവിധ ഉപകരണങ്ങളിലാണ് ഫണ്ട് നിക്ഷേപിക്കുന്നത്. വരിക്കാരുടെ ഫണ്ടിന്റെ 75 ശതമാനം ഓഹരിയിലാണ് നിക്ഷേപിക്കുന്നത്. എൻ‌പി‌എസിന്റെ ഭാഗമായ കേന്ദ്ര സർക്കാർ ജീവനക്കാർക്ക് നിക്ഷേപമോ ഫണ്ട് മാനേജരോ തിരഞ്ഞെടുക്കാനാവില്ല.

നികുതി ഇളവുകൾ ലഭിക്കുന്ന 5 മികച്ച നിക്ഷേപ മാർഗങ്ങൾ ഇവയാണ്

പിൻവലിക്കൽ

സബ്സ്ക്രൈബർമാർക്ക് വിരമിച്ച ശേഷം എൻ‌പി‌എസ് ടയർ I ൽ നിന്ന് പണം പിൻവലിക്കാനാകും. എന്നിരുന്നാലും, വിരമിച്ച ശേഷം കോർപ്പസിന്റെ 60 ശതമാനം മാത്രമേ പിൻവലിക്കാൻ കഴിയൂ, ഈ തുക നികുതി രഹിതമാണ്. ബാക്കിയുള്ളവ ഒരു അംഗീകൃത ഇൻഷുറൻസ് കമ്പനി ആന്വിറ്റിയിൽ നിക്ഷേപിക്കേണ്ടതുണ്ട്. ടയർ II സ്കീമിലേക്കുള്ള വരിക്കാർക്ക് പിൻവലിക്കലിന് നിയന്ത്രണങ്ങളൊന്നുമില്ല.

എൻപിഎസ് വഴി ആദായ നികുതി ആനുകൂല്യങ്ങൾ ലഭിക്കുന്നത് എങ്ങനെയാണ്?

നികുതി ആനുകൂല്യങ്ങൾ

ശമ്പളത്തിന്റെ 10 ശതമാനം വരെയുള്ള സംഭാവനകൾക്ക് ശമ്പളമുള്ള ജീവനക്കാർക്ക് നികുതിയിളവ് വരുമാനത്തിൽ നിന്ന് കിഴിവ് ലഭിക്കും. അതേസമയം സ്വയം തൊഴിൽ ചെയ്യുന്ന പ്രൊഫഷണലുകൾക്ക് മൊത്തം വരുമാനത്തിൽ നിന്ന് 20 ശതമാനം കിഴിവ് ലഭിക്കും. സെക്ഷൻ 80 സിസിഡി (1) പ്രകാരമാണ് ഇളവ് ലഭിക്കുക. എന്നിരുന്നാലും, കിഴിവായി ക്ലെയിം ചെയ്യാൻ കഴിയുന്ന പരിധി 1. 5 ലക്ഷം രൂപയായി നിശ്ചയിച്ചിട്ടുണ്ട്. കൂടാതെ, സെക്ഷൻ 80 സിസിഡി (1 ബി) പ്രകാരം 50,000 രൂപയുടെ അധിക ആനുകൂല്യമുണ്ട്. നികുതി ആനുകൂല്യങ്ങൾ ടയർ I വരിക്കാർക്ക് മാത്രമാണുള്ളത്.