എൽഐസിയുടെ സ്ത്രീകൾക്ക് വേണ്ടി മാത്രമുള്ള പ്രത്യേക പ്ലാനാണ് എൽഐസി ആധാർ ശില പ്ലാൻ. പേര് സൂചിപ്പിക്കുന്നത് പോലെ, ആധാർ കാർഡ് ഉള്ളവർക്ക് മാത്രമേ ഈ പ്ലാൻ ലഭ്യമാകൂ. സ്ത്രീകളുടെ പരിരക്ഷയും സമ്പാദ്യവും ഉറപ്പാക്കുന്ന പദ്ധതിയാണിത്. പോളിസി ഉടമയ്ക്ക് മരണം സംഭവിച്ചാൽ പദ്ധതി വഴി നോമിനിയ്ക്ക് തുക ലഭിക്കും. കാലാവധി പൂർത്തിയാകുമ്പോൾ പോളിസി ഉടമയ്ക്ക് ഒരു ലംപ്സം തുക ലഭിക്കും. എന്താണ് എൽഐസി ആധാർ ശില എന്ന് പരിശോധിക്കാം.
എൽഐസി ആധാർ ശില പദ്ധതി പ്രവർത്തിക്കുന്നത് എങ്ങനെ?
എൽഐസി ആധാർ ശില പ്ലാൻ വാങ്ങുമ്പോൾ, ഉപഭോക്താവ് ഇനിപ്പറയുന്ന കാര്യങ്ങൾ തീരുമാനിക്കേണ്ടതുണ്ട്.
- അടിസ്ഥാന തുക - നിങ്ങൾ ആഗ്രഹിക്കുന്ന കവറിന്റെ അളവാണിത്. 75,000 രൂപ മുതൽ 3 ലക്ഷം രൂപ വരെയുള്ള തുക നിങ്ങൾക്ക് തിരഞ്ഞെടുക്കാം.
- പോളിസി ടേം - നിങ്ങൾക്ക് നിക്ഷേപം നടത്താൻ സാധിക്കുന്ന കാലയളവാണിത്. 10 മുതൽ 20 വർഷം വരെ നിക്ഷേപം നടത്താം.
- പ്രീമിയം പേയ്മെന്റ് കാലാവധി - പോളിസി ടേമിന് സമാനമാണ്.
ആധാർ ശില പദ്ധതിയുടെ സവിശേഷതകൾ
- ഇത് സ്ത്രീകൾക്ക് മാത്രമുള്ള ഒരു പദ്ധതിയാണ്
- കുറഞ്ഞ പ്രീമിയം പ്ലാനാണ്
- ആധാർ ശില പദ്ധതി ഒരു എൻഡോവ്മെൻറ് പ്ലാൻ ആയതിനാൽ പോളിസി കാലാവധിയുടെ അവസാനത്തിൽ പോളിസി ഉടമയ്ക്ക് ഒരു തുക മെച്യുരിറ്റി ആനുകൂല്യമായി ലഭിക്കും
- കാലാവധി പൂർത്തിയാകുമ്പോൾ അല്ലെങ്കിൽ അഞ്ച് വർഷത്തിന് ശേഷം മരണം സംഭവിക്കുമ്പോൾ ഈ പ്ലാൻ അനുസരിച്ച് ലോയൽറ്റി കൂട്ടിച്ചേർക്കൽ ലഭിക്കും
- പദ്ധതി പ്രകാരം വായ്പാ സൗകര്യം ലഭ്യമാണ്
- പ്ലാൻ ഓട്ടോ കവർ സൗകര്യം വാഗ്ദാനം ചെയ്യുന്നു
- ഗുരുതരമായ അസുഖമുള്ളവർക്ക് ഈ പ്ലാൻ പ്രകാരം ലഭ്യമല്ല
മരണ ആനുകൂല്യം
അടിസ്ഥാന തുകയെ അടിസ്ഥാനമാക്കി, നിങ്ങളുടെ പ്രായവും പോളിസി കാലാവധിയും തിരഞ്ഞെടുത്താണ് വാർഷിക പ്രീമിയം തീരുമാനിക്കുന്നത്. പോളിസി കാലാവധി അവസാനിക്കുന്നതിനുമുമ്പ് പോളിസി ഉടമ മരിച്ചാൽ, ഇനിപ്പറയുന്നവയിൽ ഏറ്റവും ഉയർന്ന തുക നോമിനിക്ക് ലഭിക്കും:
- അടിസ്ഥാന തുക
- വാർഷിക പ്രീമിയത്തിന്റെ 10 മടങ്ങ്
- മരണ തീയതി വരെ അടച്ച എല്ലാ പ്രീമിയങ്ങളുടെയും 105%
എൽഐസി പിഎംവിവിവൈ പെൻഷൻ പദ്ധതിയിൽ മാറ്റം: മാസം 10000 രൂപ വരെ പെൻഷൻ നേടാം, അറിയേണ്ട കാര്യങ്ങൾ
കാലാവധി പൂർത്തിയാകുമ്പോൾ
5 പോളിസി വർഷങ്ങൾക്ക് ശേഷം മരണം സംഭവിക്കുകയാണെങ്കിൽ മരണ ആനുകൂല്യത്തിന്റെ ഭാഗമായി ലോയൽറ്റി കൂട്ടിച്ചേർക്കപ്പെടും. പോളിസി കാലാവധിയുടെ അവസാനത്തിൽ, പോളിസി ഉടമയ്ക്ക് ഇനിപ്പറയുന്നവ ലഭിക്കും:
- ഉറപ്പുനൽകുന്ന അടിസ്ഥാന തുക
- ലോയൽറ്റി കൂട്ടിച്ചേർക്കലുകൾ
സ്ത്രീകളുടെ ജൻധൻ അക്കൌണ്ടിലേയ്ക്ക് വീണ്ടും 500 രൂപ, രണ്ടാം ഗഡു വിതരണം മെയ് 4 മുതൽ
പോളിസിയിൽ നിന്ന് വായ്പ
എൽഐസിയുടെ ആധാർ ശില പോളിസി പ്രകാരം വായ്പാ സൗകര്യം ലഭ്യമാണ്. അതിനാൽ നിങ്ങൾക്ക് പണത്തിന്റെ ആവശ്യമുണ്ടെങ്കിൽ. എൽഐസി രൂപപ്പെടുത്തിയ ചില നിബന്ധനകൾക്കും വ്യവസ്ഥകൾക്കും വിധേയമായി പോളിസി കാലയളവിൽ പോളിസി ഉടമയ്ക്ക് പോളിസിയിൽ നിന്ന് വായ്പ ലഭിക്കും. പോളിസി വായ്പയ്ക്കുള്ള പലിശ നിരക്ക് കാലാകാലങ്ങളിൽ എൽഐസി നിർണ്ണയിക്കും. 2016-17 സാമ്പത്തിക വർഷത്തെ പലിശ നിരക്ക് 10% ആയിരുന്നു.
സ്ത്രീകൾക്ക് 25 ലക്ഷം രൂപ വരെ വായ്പ; എസ്ബിഐയുടെ സ്ത്രീ ശക്തി പദ്ധതിയെക്കുറിച്ച് അറിയാം