പേടിഎം ഉപഭോക്താക്കൾക്ക് ഇനി പണം വീട്ടിൽ എത്തിച്ചു നൽകും; നിങ്ങൾ ചെയ്യേണ്ടത് എന്ത്?

മുതിർന്ന പൌരന്മാർക്ക്

ഈ പുതിയ സേവനം അനുസരിച്ച് മുതിർന്ന പൌരന്മാർക്കും ഭിന്നശേഷിക്കാർക്കും പണം പിൻവലിക്കുന്നതിനുള്ള അഭ്യർത്ഥന അവരുടെ പേടിഎം പേയ്‌മെന്റ് ബാങ്ക് ആപ്ലിക്കേഷനിൽ നൽകിയാൽ മതിയാകും. അഭ്യർത്ഥിച്ച തുക അവരുടെ വീട്ടിൽ പേടിഎം എത്തിച്ചു നൽകും. ഉപയോക്താക്കൾക്ക് സുഗമമായ ബാങ്കിംഗ് സേവനങ്ങൾ ഉറപ്പുവരുത്തുകയാണ് തങ്ങളുടെ ലക്ഷ്യമെന്നും ഈ സൗകര്യം ബാങ്ക്, എടിഎമ്മിലേക്ക് പോകുന്നതിനുള്ള നിങ്ങളുടെ പ്രശ്നങ്ങൾ ലഘൂകരിക്കുമെന്നും വീട്ടിൽ തുടരാൻ നിങ്ങളെ സഹായിക്കുമെന്നും പേടിഎം അറിയിച്ചു.

പണം വീട്ടിൽ എങ്ങനെ ലഭിക്കും

‘ക്യാഷ് അറ്റ് ഹോം' സൗകര്യം ലഭ്യമാക്കുന്നതിനുള്ള പ്രക്രിയ വളരെ ലളിതമാണ്. പേടിഎം പേയ്‌മെന്റ് ബാങ്കിൽ സേവിംഗ്സ് അക്കൗണ്ട് കൈവശമുള്ള ഏതൊരു മുതിർന്ന പൗരനും അവരുടെ അപ്ലിക്കേഷനിലെ അഭ്യർത്ഥന ടാബിൽ ക്ലിക്കുചെയ്ത് ആവശ്യമുള്ള തുക നൽകി അവരുടെ റിക്വസ്റ്റ് സമർപ്പിക്കാം. അഭ്യർത്ഥന ഉന്നയിച്ച് 2 ദിവസത്തിനുള്ളിൽ ബാങ്ക് എക്സിക്യൂട്ടീവ് അവരുടെ രജിസ്റ്റർ ചെയ്ത വിലാസത്തിൽ അഭ്യർത്ഥിച്ച തുക കൈമാറും. അഭ്യർത്ഥിക്കാവുന്ന ഏറ്റവും കുറഞ്ഞ തുക 1,000 രൂപയാണ്, പരമാവധി തുക 5,000 രൂപയായി പരിമിതപ്പെടുത്തിയിട്ടുണ്ട്.

ഉപഭോക്താക്കള്‍ക്ക് വിസ ഡെബിറ്റ് കാര്‍ഡുകള്‍ നല്‍കാനൊരുങ്ങി പേടിഎം പേയ്‌മെന്റ്‌സ് ബാങ്ക്‌

മികച്ച സേവനങ്ങൾ

ബാങ്കിംഗ് അനുഭവം ഉപയോക്താക്കൾക്ക് കൂടുതൽ സൌകര്യപ്രദമാക്കി മാറ്റുന്നതിനായി ബാങ്ക് ആരംഭിച്ച സേവനങ്ങളിൽ ഏറ്റവും പുതിയതാണ് ക്യാഷ് അറ്റ് ഹോം സേവനും. അടുത്തിടെ, ഡയറക്ട് ബെനിഫിറ്റ്സ് ട്രാൻസ്ഫർ (ഡിബിടി) സൗകര്യവും പേടിഎം ആരംഭിച്ചിരുന്നു. ഇതുവഴി 400 ഓളം സർക്കാർ സബ്‌സിഡികളുടെ ആനുകൂല്യങ്ങൾ നേരിട്ട് ഉപഭോക്താക്കളുടെ പിപിബിഎൽ സേവിംഗ്സ് അക്കൗണ്ടിലേക്ക് എത്തിയിരുന്നുവെന്നും പേടിഎം പേയ്മെന്റ്സ് ബാങ്ക് വ്യക്തമാക്കി.

ഡോർസ്റ്റെപ്പ് ക്യാഷ് ഡെലിവറി

സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ), എച്ച്ഡി‌എഫ്‌സി ബാങ്ക് തുടങ്ങിയ ബാങ്കുകളും ഉപഭോക്താക്കൾക്ക് ഡോർസ്റ്റെപ്പ് ബാങ്കിംഗ് സൗകര്യം വാഗ്ദാനം ചെയ്യുന്നുണ്ട്. അടുത്തിടെ, ഹരിയാന സർക്കാർ ഇതിനായി ഒരു ഓൺലൈൻ പോർട്ടലും ആരംഭിച്ചിരുന്നു. കേരളത്തിലും നോയിഡയിലെ കോവിഡ് -19 ഹോട്ട്‌സ്‌പോട്ടുകളിലും ഇത്തരത്തിൽ ഡോർസ്റ്റെപ്പ് പണമിടപാട് സേവനങ്ങൾ വാഗ്ദാനം ചെയ്യുന്നുണ്ട്.

ലാഭം നേടാന്‍ രണ്ടു വര്‍ഷമെടുക്കും; പേടിഎം സിഇഒ വിജയ് ശേഖര്‍ ശര്‍മ്മ