ഐഐടി മദ്രാസ് ഇൻക്യുബേറ്റഡ് സ്റ്റാർട്ടപ്പായ മ്യൂസ് വെയറബിൾസ് ഒരു റിസ്റ്റ്ബാൻഡ് വികസിപ്പിക്കുന്നതിന് 22 കോടി രൂപ സമാഹരിച്ചു. 3,500 രൂപ വിലയുള്ള ഈ റിസ്റ്റ്ബാൻഡ് 70 രാജ്യങ്ങളിലെ ഉപഭോക്താക്കൾക്ക് ഓഗസ്റ്റിൽ ലഭ്യമാകും. ഈ ബാൻഡ് ധരിക്കുന്നവരുടെ ശരീരത്തിന്റെ താപനില, ഹൃദയമിടിപ്പ്, രക്ത ഓക്സിജൻ സാച്ചുറേഷൻ എന്നിവ അറിയുന്നതിനുള്ള സെൻസറുകൾ ബാൻഡിലുണ്ട്. കൊവിഡ്-19 ലക്ഷണങ്ങളിലൂടെ രോഗനിർണയം നേരത്തെ തന്നെ കണ്ടെത്താൻ ഇതുവഴി സാധിക്കും.
ലക്ഷ്യം
ലോകമെമ്പാടും 2022 ഓടെ 10 ലക്ഷം ഉൽപന്നങ്ങൾ വിൽക്കുക എന്ന ലക്ഷ്യത്തോടെയാണ് പദ്ധതി നടപ്പിലാക്കിയിരിക്കുന്ന ഈ വർഷം രണ്ട് ലക്ഷം ഉൽപ്പന്ന വിൽപ്പനയാണ് ലക്ഷ്യമിടുന്നതെന്നും സംരംഭകർ പറഞ്ഞു. നിക്ഷേപകർ തങ്ങളുടെ പുതുമകളിൽ വിശ്വസിക്കുകയും ഉപഭോക്തൃ സാങ്കേതിക ഇടത്തിൽ വലിയ വ്യത്യാസം സൃഷ്ടിക്കാൻ കഴിയുമെന്നും 22 കോടി രൂപയുടെ ധനസഹായം നൽകുകയും ചെയ്തുവെന്ന് മദ്രാസ് ഐഐടി പൂർവ്വ വിദ്യാർത്ഥിയായ കെഎൽഎൻ സായി പ്രശാന്ത് പിടിഐയോട് പറഞ്ഞു.
ബാൻഡിന്റെ ഉപയോഗങ്ങൾ
മ്യൂസ് വെയറബിൾസ് വികസിപ്പിച്ച ഈ റിസ്റ്റ്ബാൻഡ് ബ്ലൂടൂത്ത് വഴി പ്രവർത്തനക്ഷമമാക്കുകയും മ്യൂസ് ഹെൽത്ത് ആപ്പ് വഴി സ്മാർട്ട്ഫോണിലേക്ക് കണക്റ്റുചെയ്യുകയും ചെയ്യാം. കൊറോണ വൈറസ് ലക്ഷണങ്ങൾക്കായി കണ്ടെയ്മെന്റ് സോണുകളിൽ താമസിക്കുന്ന ആളുകളെ കേന്ദ്രീകൃതമായി നിരീക്ഷിക്കുന്നതിനും ബാൻഡ് ഉപയോഗിക്കാവുന്നതാണ്.
സ്റ്റാർട്ടപ്പുകൾ 2025ൽ ഇന്ത്യയിൽ സൃഷ്ട്ടിക്കപ്പെടുക 12ലക്ഷം തൊഴിലവസരങ്ങൾ; നാസ്കോം
ആരോഗ്യ സേതു ആപ്ലിക്കേഷനിൽ നിന്ന് അലേർട്ട്
കൂടാതെ, ആപ്ലിക്കേഷന് ആരോഗ്യ സേതു ആപ്ലിക്കേഷനിൽ നിന്ന് അലേർട്ടുകൾ നേടാനും കൊറോണ വൈറസ് ഹോട്ട്സ്പോട്ടിലോ കണ്ടെയ്ൻമെന്റ് സോണിലോ പ്രവേശിക്കുമ്പോൾ തന്നെ ഉപയോക്താക്കളെ അറിയിക്കാനും കഴിയും.
തുണി ഇസ്തിരിയിട്ടാല് പൊള്ളുന്ന ലാഭം, മാസം 10 ലക്ഷം രൂപ വരെ വരുമാനവുമായി മലയാളി സംരംഭക
മുന്നറിയിപ്പ്
ഉപയോക്താക്കൾക്ക് എന്തെങ്കിലും ബുദ്ധിമുട്ടുകൾ നേരിടുമ്പോൾ എമർജൻസി അലേർട്ട് (SoS) ഉയർത്താനും ശരീര താപനില പരിധിക്ക് മുകളിലേക്ക് ഉയരുകയും രക്ത ഓക്സിജൻ സാച്ചുറേഷൻ ലെവലുകൾ വളരെ കുറയുകയും കണ്ടെയ്ൻമെന്റ് സോണിൽ പ്രവേശിക്കുമ്പോഴുമെല്ലാം മുന്നറിയിപ്പ് നൽകുകയും ചെയ്യും.
കേരളത്തിൽ ഉറപ്പായും വിജയിക്കുന്ന ചെറുകിട ബിസിനസ് ആശയങ്ങൾ ഇതാ..