Subscribe to GoodReturns Malayalam
For Daily Alerts
<p>ക്രെഡിറ്റ്/ ഡെബിറ്റ് കാര്ഡ് തട്ടിപ്പുകേസുകള് മൂന്നു വര്ഷം കൊണ്ട് ആറിരട്ടിയായെന്ന് റിപ്പോര്ട്ട്. കമ്പ്യൂട്ടര്, ഇന്റര്നെറ്റ്, മൊബൈല് വഴിയുള്ള കുറ്റകൃത്യങ്ങളുടെ എണ്ണം മുന് വര്ഷത്തെക്കാള് ഇരട്ടിയാകും. സൈബര് കുറ്റകൃത്യങ്ങളുടെ എണ്ണം 2015ല് മൂന്നു ലക്ഷം കടക്കുമെന്നാണ് പ്രവചനം.</p> <p>സാമ്പത്തിക ക്രയവിക്രയങ്ങള്, സുരക്ഷാസംവിധാനം, സാമൂഹിക കെട്ടുറപ്പ് എന്നിവയെ താറുമാറാക്കുന്ന വിധത്തിലുള്ള ക്ഷുദ്രപ്രവൃത്തികളാകും ഏറെയുമെന്ന് പഠനം പറയുന്നു. അസോചം-മഹീന്ദ്ര എസ്.എസ്.ജി. എന്നിവര് ചേര്ന്നാണ് പഠനം നടത്തിയത്.</p> <p><strong>
</strong></p>
<p>മുന് വര്ഷങ്ങളിലെ കുറ്റകൃത്യ നിരക്ക്: 2011-13301, 2012-22060, 2013-71780, 2014 (മേയ് വരെ)-62189. <br />ഓണ്ലൈന് ബാങ്കിങ് അക്കൗണ്ടുകളുടെ മേലുള്ള ഫിഷിങ് ആക്രമണവും എ.ടി.എം./ ഡെബിറ്റ് കാര്ഡുകള് ക്ലോണ് ചെയ്യലുമാണ് സാമ്പത്തിക കുറ്റകൃത്യങ്ങളില് മുന്നിരയില്. മൊബൈല്, സ്മാര്ട്ഫോണ്, ടാബ്ലറ്റുകള് എന്നിവ ഉപയോഗിച്ചുള്ള ബാങ്കിങ് ഇടപാടുകള് കൂടിയത് കുറ്റകൃത്യനിരക്കും കൂടാനിടയായി.</p>
<p>കുറ്റവാളികളിലേറെയും 18-30 പ്രായക്കാരാണ്. അമേരിക്ക, യൂറോപ്യന് രാജ്യങ്ങള്, ബ്രസീല്, തുര്ക്കി, ചൈന, പാക്കിസ്ഥാന്, ബംഗ്ലാദേശ്, അള്ജീരിയ, യു.എ.ഇ. എന്നിവിടങ്ങളില് നിന്നാണ് ഇത്തരം കുറ്റകൃത്യങ്ങളിലേറെയും ഉത്ഭവിക്കുന്നത്.</p>
English summary
Cyber Crimes in India Likely to Cross 3 Lakh by 2015: Study
English summary