സ്റ്റാര്‍ട്ടപ്പ് കമ്പനികള്‍ക്ക് ആദ്യത്തെ മൂന്നു വര്‍ഷം നികുതി അടയ്‌ക്കേണ്ടതില്ല എന്ന് ഈ ബജറ്റില്‍ പ്രഖ്യാപിച്ചു. ഇത് 2019 ഏപ്രില്‍ ഒന്നിനു മുന്‍പായി ആരംഭിക്കുന്ന സംരഭങ്ങള്‍ക്കാണ് ഈ ആനുകൂല്യം ലഭിക്കുന്നത്. ഇതിനു വേണ്ടി ആദായ നികുതി നിയമത്തില്‍ പുതിയ വകുപ്പ് ഉള്‍പ്പെടുത്താനും തീരുമാനിച്ചു.

ആതായത് ആദായ നികുതി സെക്ഷന്‍ 54EE പ്രകാരം ദീര്‍ഘകാല മൂലധനനേട്ടം കേന്ദ്ര സര്‍ക്കാര്‍ പ്രഖ്യാപിച്ചിട്ടുളള ഏതെങ്കിലും ഫണ്ടില്‍ നിക്ഷേപിച്ചാല്‍ 50 ലക്ഷം രൂപ വരെ നികുതി ഇളവു നേടാന്‍ സാധിക്കും. നിക്ഷേപത്തിന്റെ കാലാവധി മൂന്നു വര്‍ഷം ആണ്.

നിലവിലുളള നികുതി പ്രകാരം 54GB വകുപ്പു പ്രകാരം താമസ സ്ഥലം വിറ്റു കിട്ടുന്ന ദീര്‍ഘകാല മൂലധന നേട്ടം ചെറുകിട സംരഭങ്ങളുടെ ഓഹരികളില്‍ നിക്ഷേപിച്ചാല്‍ നികുതി ഇളവു നേടാവുന്നതാണ്. ഭൂമി വിറ്റു കിട്ടൂന്ന ദീര്‍ഘകാല മൂലധന നേട്ടം സ്റ്റാര്‍ട്ടപ്പ് കമ്പനികളിലെ ഓഹരികളില്‍ നിക്ഷേപിച്ചാല്‍ നികുതി ബാധകം അല്ല. ഇത്തരത്തില്‍ നിക്ഷേപിക്കുന്ന പണം നികുതി റിട്ടേണ്‍ സമര്‍പ്പിക്കുന്നതിനു മുന്‍പായി പുതിയ വസ്തുതക്കള്‍ വാങ്ങാന്‍ ഉപയോഗിക്കണം.