ഇന്‍ ഓപ്പറേറ്റീവ് EPF അക്കൗണ്ടിലെ നിക്ഷേപത്തിനു ഇനി മുതല്‍ പലിശ നല്‍കാന്‍ എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷന്‍ തീരുമാനിച്ചു. EPF നിക്ഷേപം പിന്‍ വലിക്കുന്നതിനുളള വ്യവസ്ഥകള്‍ കര്‍ശനം ആക്കിയതോടെയാണ് ഈ അക്കൗണ്ടിലെ നിക്ഷേപത്തിന് പലിശ നല്‍കാമെന്ന് തീരുമാനിച്ചത്. ഈ തീരുമാനം ഏപ്രില്‍ ഒന്നു മുതല്‍ പ്രാബല്യത്തില്‍ വരുന്നതാണ്.

രണ്ടു മാസത്തില്‍ ഏറെ തൊഴിലില്ലാതെ ഇരുന്നാല്‍ തൊഴിലാളികളുടെ വിഹിതം മാത്രമേ പിന്‍ വലിക്കാന്‍ സാധിക്കുകയുളളു എന്ന് നേരത്തേ പറഞ്ഞിരുന്നു. തൊഴിലുടമയുടെ വിഹിതം 58 വയസ്സിനു ശേഷമാണ് ലഭിക്കുന്നത് എന്ന് തീരുമാനിച്ചതാണ്.

ആ സാഹചര്യത്തിലാണ് ഇന്‍ ഓപ്പറേറ്റീവ് അക്കൗണ്ടിലെ തുകയ്ക്കു പലിശ നല്‍കണമോ എന്ന കാര്യത്തില്‍ ചര്‍ച്ച വന്നത്. ഒന്‍പതു കോടി ഇന്‍ ഓപ്പറേറ്റീവ് അക്കൗണ്ടുകളിലായി 44,000 കോടി രൂപയാണ് നിക്ഷേപം ഉളളത്. 2011 ഏപ്രില്‍ ഒന്നിനാണ് ഈ അക്കൗണ്ടുകളിലെ നിക്ഷേപത്തിന് പലിശ നല്‍കേണ്ട എന്നു തീരുമാനിച്ചത്.