മുംബൈ: ഡിജിറ്റല്‍ ബാങ്കിംഗ് രംഗത്തേക്ക് ചുവടു മാറ്റുന്നതിന്റെ ഭാഗമായി എച്ച്എസ്ബിസി രാജ്യത്തെ ശാഖകളുടെ എണ്ണം കുറയ്ക്കുന്നു. ഇതുവഴി 300 തൊഴില്‍ അവസരങ്ങളാണ് നഷ്ടപ്പെടുക.

ഹോങ്കോങ് ആന്റ് ഷാങ്ഹായ് ബാങ്കിങ് കോര്‍പ്പറേഷ(എച്ച്എസ്ബിസി)ന് ഇന്ത്യയിലുള്ളത് 50ശാഖകളാണ്. ഇത് 26 ശാഖകളായി കുറയും.

ചെന്നൈ, ഗുവാഹട്ടി, ഇന്‍ഡോര്‍, ജോധ്പൂര്‍, ലക്നൗ, ലുധിയാന, മുംബൈ, മൈസൂര്‍, നാഗ്പൂര്‍, നാസിക്, പട്ന, പുണെ, റായ്പൂര്‍, സൂറത്ത്, തിരുവനന്തപുരം, വഡോദര, വിശാഖപട്ടണം,ന്യൂഡല്‍ഹി,കൊല്‍ക്കത്ത എന്നീ ശാഖകളാണ് അടക്കുക. ഓണ്‍ലൈന്‍ വെല്‍ത്ത് മാനേജ്‌മെന്റിലേക്കും ബാങ്ക് നീങ്ങുന്നുണ്ട്.

ചെലവ് ചുരുക്കുന്നതിന്റെ ഭാഗമായി രാജ്യത്തെ ബാങ്കിങ് ബിസിനസ് അവസാനിപ്പിക്കുകയാണെന്ന് ആറ് മാസംമുമ്പെ എച്ച്എസ്ബിസി സൂചന നല്‍കിയിരുന്നു.