ന്യൂഡല്‍ഹി: രാജ്യത്തെ പൊതുമേഖാ ബാങ്കുകളില്‍ കിട്ടാക്കടം വര്‍ധിക്കുന്നു. നടപ്പു സാമ്പത്തിക വര്‍ഷത്തെ ബാങ്കുകളുടെ പ്രവര്‍ത്തന ഫലം പൂര്‍ണമായി പുറത്തുവരാനിരിക്കെ, കിട്ടാക്കടം 20000 കോടി രൂപയായി ഉയര്‍ന്നിട്ടുണ്ട്.

എസ്ബിഐ, കാനറ ബാങ്ക് തുടങ്ങി ഏതാനും ബാങ്കുകള്‍ 201516 ലെ ഫലം പ്രഖ്യാപിക്കും മുന്‍പാണ് ഈ വര്‍ധന.കിട്ടാക്കടം പെരുകുന്നതു ബാങ്കുകളുടെ പ്രവര്‍ത്തനത്തെ സാരമായി ബാധിക്കുന്നതായാണു വിലയിരുത്തല്‍.

ഈ സാഹചര്യത്തില്‍ കിട്ടാക്കടം സംബന്ധിച്ചു ചര്‍ച്ച ചെയ്യാന്‍ ധനമന്ത്രി അരുണ്‍ ജെയ്റ്റ്ലി ബാങ്ക് മേധാവികളുടെ യോഗം വിളിച്ചു ചേര്‍ത്തു. അടുത്ത മാസം ആറിനാണു യോഗം.

യോഗത്തില്‍ ബാങ്കുകളുടെ പ്രവര്‍ത്തന ഫലങ്ങള്‍ സംബന്ധിച്ചു വിലയിരുത്തലുണ്ടാകും. മൂലധന പര്യാപ്തതയും പരിശോധിക്കും.