മുംബൈ: പ്രമുഖ കാര്‍ നിര്‍മാതാക്കളായ മാരുതി സുസുകി കാറുകളുടെ വില വര്‍ധിപ്പിച്ചു.15,00 രൂപ മുതല്‍ 20,000 രൂപ വരെ വര്‍ധനയാണ് കാറുകള്‍ക്ക് ഉണ്ടായിരിക്കുന്നത്.

മാരുതിയില്‍നിന്നു പുതുതായി പുറത്തിറങ്ങിയ കോംപാക്ട് എസ്‌യുവി മോഡലായ വിറ്റാര ബ്രസയ്ക്ക് 20,000 രൂപയും, പ്രീമിയം ഹാച്ച്ബാക് മോഡലായ ബലേനോയ്ക്ക് 10,000 രൂപയുമാണ് വില വര്‍ധിപ്പിച്ചത്.

മാരുതിയുടെ മറ്റെല്ലാ മോഡലുകള്‍ക്കും 1,500 മുതല്‍ 5000 രൂപ വരെയും വില ഉയര്‍ത്തിയിട്ടുണ്ട്. ക്രിറ്റ എസ്‌യുവിയുടെ വില 15,000 രൂപ സെപ്റ്റംബര്‍ മുതല്‍ ഉയര്‍ത്താനും കമ്പനി തയ്യാറെടുക്കുന്നുണ്ട്.

ഈ വര്‍ഷമിത് രണ്ടാമത്തെ തവണയാണ് മാരുതി കാറുകളുടെ വില ഉയര്‍ത്തുന്നത്.ജൂലൈയില്‍ മാരുതിയുടെ ആഭ്യന്തര വില്‍പന 1,25,778 യുണിറ്റാണ്.