തൃശൂര്‍: മണപ്പുറം ഫിനാന്‍സിന് നടപ്പ് സാമ്പത്തിക വര്‍ഷത്തില്‍ ആദ്യപാദത്തില്‍ 160.34 കോടി രൂപ അറ്റാദായം. കമ്പനിയുടെ പെര്‍ഫോമിംഗ് അസറ്റ് 28.8% ഉയര്‍ന്ന് 13,014 കോടി രൂപയായി.

കഴിഞ്ഞ വര്‍ഷം ഇതേ കാലയളവില്‍ 59.30 കോടി രൂപയായിരുന്നു മണപ്പുറത്തിന്റെ അറ്റാദായം. 170 ശതമാനത്തിന്റെ വര്‍ധനവാണുണ്ടായത്.

ചെറുകിട സംരംഭ വായ്പ, വാണിജ്യ,വാഹന വായ്പകള്‍ തുടങ്ങിയ ചുവടുകളും ആശിര്‍വാദ് മൈക്രോ ഫിനാന്‍സ്,മണപ്പുറം ഹോം ഫിനാന്‍സ് പ്രൈവറ്റ് ലിമിറ്റഡ് എന്നിവയുടെ മികച്ച പ്രകടനവുമാണ് എക്കാലത്തേയും മികച്ച് പ്രകടനത്തിലേക്ക് മണപ്പുറം ഫിനാന്‍സിനെ നയിച്ചതെന്ന് മണപ്പുറം എംഡിയും സിഇഒയുമായ വി പി നന്ദകുമാര്‍ അറിയിച്ചു.

ഇന്ത്യയിലൊട്ടാകെ 3747 ശാഖകളാണ് മണപ്പുറം ഫിനാന്‍സിനും അനുബന്ധ സ്ഥാപനങ്ങള്‍ക്കുമുള്ളത്. ലാഭം നേടിയ സാഹചര്യത്തില്‍ ഓഹരി ഉടമകള്‍ക്ക് രണ്ട് രൂപ മുഖവിലയുള്ള ഓഹരിയൊന്നിന് 0.50 രൂപ നിരക്കില്‍ ലാഭം നല്‍കാന്‍ ഡയറക്ടര്‍ ബോര്‍ഡ് തീരുമാനിച്ചിട്ടുണ്ട്.