സിംഗപ്പൂര്‍: മൊബൈലില്‍ ചാറ്റില്‍ ഇനി ബാങ്കിംഗ് സാധ്യമാവും. ഡവലപ്‌മെന്റ് ബാങ്ക് ഓഫ് സിംഗപ്പൂരാണ്(ഡിബിഎസ്) ചാറ്റിംഗ് മെസേജിംഗ് ആപ്ലിക്കേഷനുകള്‍ വഴി അനായാസം ബാങ്കിംഗ് നടത്താനുള്ള സംവിധാനമൊരുക്കുന്നത്.

ആരംഭത്തില്‍ ഫേസ്ബുക്ക് മെസഞ്ചര്‍ വഴി സിംഗപ്പൂരിലും ഇന്ത്യയിലുമാണ് സേവനം ലഭിക്കുക. വാട്‌സാപ്,വിചാറ്റ് എന്നിവ വഴിയും ബാങ്കിംഗ് ലഭ്യമാക്കാന്‍ ശ്രമം നടക്കുന്നുണ്ട്.

ഏപ്രിലില്‍ മൊബൈല്‍ ഫോണിലൂടെ മാത്രം പ്രവര്‍ത്തിക്കുന്ന ബാങ്ക് ഡിബിഎസ് ഇന്ത്യയില്‍ അവതരിപ്പിച്ചിരുന്നു.

ചാറ്റിലൂടെ ബാങ്കിനോട് നേരിട്ട് ഇടപെടാന്‍ കഴിയുമെന്നും ബാങ്ക് സുരക്ഷ ഉറപ്പാക്കി സേവനങ്ങള്‍ പ്രദാനം ചെയ്യുമെന്നും ബാങ്ക് അധികൃതര്‍ വ്യക്തമാക്കി.