മുംബൈ: ഓഹരിയില്‍ നിക്ഷേപിച്ചവര്‍ക്ക് കഴിഞ്ഞ വര്‍ഷം നേട്ടത്തിന്റേത്. പുതിയ ലിസ്റ്റിങ്ങുകളുടേയും വിപണിയിലെ മുന്നേറ്റത്തിന്റേയും ഫലമായി ഓഹരി നിക്ഷേപകര്‍ക്ക് 10.7 ലക്ഷം കോടി രൂപയുടെ നേട്ടമാണ് കഴിഞ്ഞ വര്‍ഷമുണ്ടായത്.

സെന്‍സെക്‌സ് ഒമ്പത് ശതമാനത്തിലധികം വളര്‍ച്ച നേടിയതാണ് ഓഹരി വിലകളെ പുതിയ ഉയരത്തിലെത്തിച്ചത്. സെന്‍സെക്‌സിലെ ലിസ്റ്റഡ് കമ്പനികളുടേയും ആകെ വിപണിമൂല്യത്തില്‍ 10,70,320 കോടി രൂപയുടെ വര്‍ധനവുണ്ടായി. ഇതോടെ ഓഹരികളുടെ മൂല്യമുയര്‍ന്നു.

വിപണിയില്‍ ലിസ്റ്റ് ചെയ്ത കമ്പനികളുടെ എണ്ണം കൂടിയതാണ് ഓഹരി നിക്ഷേപകരുടെ ആസ്തി വര്‍ധിക്കാനുള്ള പ്രധാന കാരണമെന്നാണ് കരുതുന്നത്.

കഴിഞ്ഞ വര്‍ഷത്തില്‍ ബിഎസ്ഇ സ്ഥാപനങ്ങള്‍ കണ്ടെത്തിയത് 1,00,37,734 കോടി മൂലധനമാണ്. മുന്‍പത്തെ വര്‍ഷത്തേക്കാള്‍ 2,02,493 കോടിയുടെ വര്‍ധനവാണിത്. 2014ലാണ്് സെന്‍സെക്‌സിലെ എല്ലാ കമ്പനികളുടേയും കൂടിയുള്ള വിപണിമൂല്യം 100 ലക്ഷം കോടിയായി റെക്കോര്‍ഡിട്ടത്.