യൂണിയന്റെ എതിര്‍പ്പ് കണക്കിലെടുത്തില്ല

ഓഹരി വിപണിയില്‍ നിക്ഷേപത്തിന് സുരക്ഷയില്ലെന്ന ചൂണ്ടിക്കാട്ടി തൊഴിലാളി യൂണിയനുകള്‍ ഈ നീക്കത്തെ എതിര്‍ത്തിരുന്നു. എന്നാല്‍ മികച്ച സാമ്പത്തിക അന്തരീക്ഷം കണക്കിലെടുത്താണ് നിക്ഷേപ പരിധി ഉയര്‍ത്തിയതെന്ന് തൊഴില്‍ മന്ത്രി ബന്ദാരു ദത്താത്രേയ അറിയിച്ചു.

എന്താണ് പിപിഎഫ്

പിപിഎഫ് ഒരു സേവിങ്സ്സും റിട്ടയര്‍മെന്റ് ഫണ്ടും കൂടി ചേര്‍ന്നതാണ്. ബാങ്കില്‍ നിന്നോ പോസ്റ്റ് ഓഫീസില്‍ നിന്നോ ഈ അക്കൗണ്ട് തുറക്കാവുന്നതാണ്.

ഈ വര്‍ഷം 10%

പിഎഫ് നിക്ഷേപത്തിന്റെ 5% തുകയാണ് കഴിഞ്ഞ വര്‍ഷം ഓഹരി വിപണിയിലിറക്കിയത്. ഇത്തവണ ഇത് 10% ആക്കി വര്‍ധിപ്പിക്കാന്‍ തൊഴില്‍ മന്ത്രാലയമാണ് തീരുമാനിച്ചത്. 2016ല്‍ ആദ്യ പാദത്തില്‍ 1500 കോടി രൂപ ഓഹരി വിപണിയില്‍ നിക്ഷേപിച്ചിട്ടുണ്ട്. 11,500 കോടി രൂപ കൂടി ഇനി നിക്ഷേപിക്കും.

സര്‍ക്കാര്‍ നിക്ഷേപങ്ങളില്‍ പണമിറക്കും

ഇപിഎഫ്ഒ എട്ട് ലക്ഷം കോടി രൂപയിലേറെ കൈകാര്യം ചെയ്യുന്നുണ്ടെങ്കിലും അതില്‍ 1.3 ലക്ഷം കോടി രൂപ മാത്രമേ വിവിധ സ്ഥലങ്ങളില്‍ നിക്ഷേപിക്കാന്‍ കഴിയുകയുള്ളൂ. കടപ്പത്രങ്ങള്‍ പേലെയുള്ള സര്‍ക്കാര്‍ നിക്ഷേപ മാര്‍ഗങ്ങളിലാണ് തുക നിക്ഷേപിക്കുക.