മുംബൈ: ടാറ്റ മോട്ടോഴ്സ് പുറത്തിറക്കിയ ചെറിയ ഹാച്ച്ബാക്കായ ടിയാഗോക്ക് മികച്ച വില്പന. വില്പനയില് ടാറ്റ മോട്ടോഴ്സിനെ നാലാം സ്ഥാനത്തേക്കാണ് ടിയാഗോയുടെ ജനപ്രീതിയെത്തിച്ചിരിക്കുന്നത്.
കഴിഞ്ഞ മാസത്തേക്കാള് 28.2 ശതമാനം അധിക വളര്ച്ചയാണ് ടാറ്റ നേടിയത്. 5.8 ശതമാനമാണ് ടാറ്റയുടെ വിപണി വിഹിതം.
ജാപ്പനീസ് വാഹന നിര്മാതാക്കളായ ഹോണ്ടയെ പിന്തള്ളിയാണ് ടാറ്റ നാലാം സ്ഥാനത്തെത്തിയത്.വാഹനവിപണിയിലെ മത്സരത്തില് ടിയാഗോ ടാറ്റയ്ക്ക് നല്കിയ ഊര്ജം ചെറുതല്ല. സെപ്റ്റംബറില് മാത്രം ടിയാഗോയുടെ 4557 യൂണിറ്റുകളാണ് ഇന്ത്യന് നിരത്തുകളിലെത്തിയത്.
44.1 ശതമാനം വിപണി വിഹിതത്തോടെ മാരുതി സുസുകിയാണ് ഇന്ത്യന് നിരത്തില് ഒന്നാമത്. ഹ്യൂണ്ടായ് (17.8%), മഹീന്ദ്ര (8.5%), ഹോണ്ട (5.5%) എന്നിങ്ങനെയാണ് മറ്റു കമ്പനികളുടെ വിപണി വിഹിതം.
പുതിയ കാര് വാങ്ങിച്ചോ? പഴയ കാര് വില്ക്കാം വളരെ എളുപ്പത്തില്