114 വർഷം പഴക്കം

114 വർഷം പഴക്കമുണ്ട് താജ്മഹൽ പാലസ്‌ ഹോട്ടലിന്. 1903 ഡിസംബ‍ർ 16നാണ് ദക്ഷിണ മുംബൈയിൽ ഹോട്ടൽ ആരംഭിക്കുന്നത്. കെട്ടിടത്തിന്റെ തനിമ സംരക്ഷിക്കുന്നതിന് വേണ്ടിയാണ് ട്രേഡ്മാർക്ക് അം​ഗീകാരം നൽകിയിരിക്കുന്നത്.

ടാറ്റാ ​ഗ്രൂപ്പ്

ടാറ്റാ ​ഗ്രൂപ്പിന് കീഴിലുള്ള ഇന്ത്യൻ ഹോട്ടൽസ് കമ്പനി ലിമിറ്റഡിന്റെ ഉടമസ്ഥതയിലുള്ളതാണ് ഈ ഹോട്ടൽ. ഇന്ത്യയിലെ തന്നെ മികച്ച ഹോട്ടലുകളിലൊന്നാണിത്.

അതിഥികൾ

നീൽ ആംസ്ട്രോങ്, ജോൺ ലെനൺ, ബറാക് ഒബാമ തുടങ്ങി നിരവധി പ്രമുഖർ താജ്മഹൽ ഹോട്ടലിലെ അതിഥികളായിട്ടുണ്ട്. മുംബൈയിലെത്തുന്ന പ്രമുഖരെല്ലാം തന്നെ താജ്മഹൽ ഹോട്ടലാണ് താമസത്തിനായി തിരഞ്ഞെടുക്കുക.

ഇമേജ് ട്രേഡ്മാർക്ക്

സാധാരണ കമ്പനികളുടെ ലോ​ഗോകൾ, വിപണന നാമങ്ങൾ തുടങ്ങിയവയ്ക്കാണ് ട്രേഡ്മാർക്ക് നൽകുക. എന്നാൽ താജ്മഹൽ പാലസ് ഹോട്ടലിന്റെ നിർമ്മാണ രീതി കണക്കിലെടുത്ത് ഇമേജ് ട്രേഡ്മാർക്കാണ് നൽകിയിരിക്കുന്നത്. ഇന്ത്യയിൽ ആദ്യമായാണ് ഒരു കെട്ടിടത്തിന് ഇത്തരത്തിൽ ട്രേഡ്മാർക്ക് ലഭിക്കുന്നത്.

ട്രേഡ് മാർക്കുള്ള മറ്റ് കെട്ടിടങ്ങൾ

മുംബൈ ഭീകരാക്രമണത്തിൽ താജ്മഹൽ ഹോട്ടൽ ഭാ​ഗികമായി തക‍ർന്നിരുന്നു. ന്യൂയോർക്കിലെ എംമ്പയർ സ്റ്റേറ്റ് ബിൽഡിം​ഗ്, പാരീസിലെ ഐഫൽ ​ഗോപുരം, സിഡ്നിയിലെ ഓപ്പേറ ഹൗസ് എന്നിവയക്ക് ഇമേജ് ട്രേഡ്മാർക്ക് ലഭിച്ചിട്ടുണ്ട്. ഈ കെട്ടിടങ്ങളുടെയും തനിമ സംരക്ഷിക്കുകയാണ് ഇമേജ് ട്രേഡ്മാർക്ക് നൽകുന്നതിന്റെ ലക്ഷ്യം. 

ഐഫൽ ​ഗോപുരം

പാരീസിലെ ഐഫൽ ​ഗോപുരം ട്രേഡ്മാർക്കുള്ള കെട്ടിടമാണ്. ഗസ്റ്റേവ് ഈഫൽ എന്ന എഞ്ചിനീയറുടെ സ്മരണാർത്ഥമാണ് ​ഗോപുരത്തിന് ഈ പേര് നൽകിയത്. അദ്ദേഹത്തിന്റെ കമ്പനിയാണ് ടവർ നിർമിച്ചത്.

എംമ്പയർ സ്റ്റേറ്റ് ബിൽഡിം​ഗ്

ഒരു കാലത്ത് ലോകത്തിലെ ഏറ്റവും ഉയരം കൂടിയ കെട്ടിടമായിരുന്നു ന്യൂയോർക്കിലെ എംമ്പയർ സ്റ്റേറ്റ് ബിൽഡിം​ഗ്. ഇത് കണക്കിലെടുത്താണ് ഈ കെട്ടിടത്തിന് ട്രേഡ്മാർക്ക് ലഭിച്ചത്.

സിഡ്നിയിലെ ഒപ്പേറ ഹൗസ്

സിഡ്നിയിലെ ഒരു കലാസൃഷ്ടി കേന്ദ്രമാണ് സിഡ്നി ഓപ്പേറ ഹൗസ്. ഇരുപതാം നൂറ്റാണ്ടിലെ ഏറ്റവും പ്രശസ്തവും വ്യത്യസ്തവുമായ ഈ കെട്ടിടത്തിനും ട്രേഡ്മാർക്ക് ലഭിച്ചിട്ടുണ്ട്.