പ്ലാനറ്ററി പ്രൊട്ടക്ഷൻ ഓഫീസർ

അമേരിക്കയിലെ സ്പേസ് ഏജൻസിയായ നാസ തിരയുന്നത് ഒരു പ്ലാനറ്ററി പ്രൊട്ടക്ഷൻ ഓഫീസറെയാണ്. ചൊവ്വയിൽ നിന്ന് ഭൂമിയെ സംരക്ഷിക്കുകയും സ്പെയിസിലെത്തുന്ന മനുഷ്യർ മറ്റ് ലോകങ്ങളെ മലിനീകരിക്കുന്നത് തടയുകയുമാണ് ഈ പ്ലാനറ്ററി പ്രൊട്ടക്ഷൻ ഓഫീസറുടെ ജോലി.

ശമ്പളം

നിരന്തരം യാത്രകൾ ആവശ്യമായ ജോലിയാണ് പ്ലാനറ്ററി പ്രൊട്ടക്ഷൻ ഓഫീസറുടേത്. എന്നാൽ എല്ലാവിധ ആനുകൂല്യങ്ങളുമടക്കം 187,000 ഡോളറാണ് നാസ നൽകുന്ന ശമ്പളം. അതായത് 1,18,99,739 രൂപ.

മലിനീകരണം ഒഴിവാക്കുക

മനുഷ്യ-റോബോട്ടിക് ബഹിരാകാശ പര്യവേക്ഷണങ്ങൾ വഴിയുണ്ടാകുന്ന ജൈവ-ഘടനാപരവും ജൈവ മലിനീകരണവും ഒഴിവാക്കാൻ പ്ലാനറ്ററി പ്രൊട്ടക്ഷൻ ഓഫീസർ പ്രത്യേകം ശ്രദ്ധിക്കണം.

കാലാവധി

മൂന്നു വർഷത്തേക്കാണ് ഈ ജോലിയുടെ കാലാവധി. ഇത് അഞ്ച് വർഷം വരെ നീട്ടാനും സാധ്യതയുണ്ട്. കൂടാതെ നാസയുടെ വരാനിരിക്കുന്ന ദൗത്യങ്ങളിലും ചിലപ്പോൾ പങ്കെടുക്കേണ്ടി വരും.

യോഗ്യത

ഈ ജോലിക്ക് അപേക്ഷിക്കാൻ നിങ്ങൾക്ക് താൽപ്പര്യമുണ്ടെങ്കിൽ ഗവൺമെൻറ് ജോലിയിൽ ഒരു വർഷത്തെ പ്രവർത്തി പരിചയവും ഫിസിക്കൽ സയൻസ്, എൻജിനീയറിംഗ്, ഗണിതശാസ്ത്രം ഈ വിഷയങ്ങളിൽ ഏതെങ്കിലും ഒന്നിൽ ബിരുദാനന്തര ബിരുദവും ആവശ്യമാണ്.