ഒമാനിലെ റിയൽ എസ്റ്റേറ്റ് ബ്രോക്കർമാർക്ക് ലൈസൻസ് നിർബന്ധം. കർശന മുന്നറിയിപ്പുമായി ഒമാൻ. ലൈസൻസ് ഇല്ലാതെ പണം വാങ്ങി വസ്തു ഇടപാടുകൾക്ക് മധ്യസ്ഥത വഹിക്കുന്നത് ശിക്ഷാർഹമാണെന്ന് പബ്ലിക് പ്രോസിക്യൂഷൻ വ്യക്തമാക്കി.
നിയമം ലംഘിച്ചാൽ
ഈ നിയമം ലംഘിച്ചാൽ ആറുമാസം വരെ തടവും 3000 റിയാൽ വരെ പിഴയുമാണ് ശിക്ഷ. ഒമാനി പൗരൻമാർക്കും രാജ്യത്ത് താമസക്കാരായ വിദേശികൾക്കും ഇത് ബാധകമാണ്.
പെർമിറ്റ് ലഭിക്കാൻ
മസ്കത്ത് ഗവർണറേറ്റിൽ പ്രവർത്തിക്കുന്ന സ്ഥാപനങ്ങൾ 500 റിയാലും പുറത്ത് പ്രവർത്തിക്കുന്ന സ്ഥാപനങ്ങൾ 300 റിയാലുമാണ് പെർമിറ്റിനായി അടക്കേണ്ടത്.
ഒമാൻ റിയൽ എസ്റ്റേറ്റിന് ചീത്തപ്പേര്
സത്യസന്ധമല്ലാത്ത ഇടപാടുകൾ നടത്തുന്നതിലൂടെ ഒമാൻ റിയൽ എസ്റ്റേറ്റ് മാർക്കറ്റിനുണ്ടായ ചീത്തപ്പേര് മാറ്റുകയാണ് പുതിയ നിയമത്തിന്റെ ലക്ഷ്യം. കൊള്ളലാഭക്കാരായ ഇടപാടുകാരെ നിയന്ത്രിക്കാനും റിയൽ എസ്റ്റേറ്റ് ഇടപാടുകളിലെ ഉത്തരവാദിത്വം ഉറപ്പു വരുത്താനും ഇതുവഴി സാധിക്കും.
malayalam.goodreturns.in