ഇൗ വർഷം ആദ്യ പാദത്തിൽ ബഹറിനിലെ ഹോട്ടൽ, റെസ്​റ്റോറൻറ്​, ധനകാര്യം, സേവനം, ഗതാഗതം, വാർത്താ വിതരണം എന്നീ മേഖലകളിൽ വൻ കുതിപ്പ്. എണ്ണയിതര മേഖലയിലാണ് രാജ്യം വള‍ർച്ച കാഴ്ച്ച വച്ചിരിക്കുന്നത്.

4.4 ശതമാനം വളർച്ചയാണ്​ ഇൗ മേഖലയിൽ രാജ്യം നേടിയിരിക്കുന്നത്. 2016ൽ ഇത് 3.7 ശതമാനം മാത്രമായിരുന്നു. ബഹ്​റൈൻ സാമ്പത്തിക വികസന ബോർഡി​ന്റെ കീഴിലുള്ള ബഹ്​റൈൻ ഇകോണമിക്​ ക്വാർട്ടേർലിയാണ് ഈ റിപ്പോ‍ർട്ട് പ്രസിദ്ധീകരിച്ചിരിക്കുന്നത്.

ഹോട്ടൽ-റെസ്​റ്റോറൻറ്​ മേഖലയിൽ 12.3 ശതമാനവും ധനകാര്യ സേവന മേഖലയിൽ 8.3 ശതമാനവും ഗതാഗത വാർത്താ വിതരണ മേഖലയിൽ 8.2 ശതമാനവുമാണ് വളർച്ച രേഖപ്പെടുത്തിയിരിക്കുന്നത്.

300 കോടി യു.എസ്​ ഡോളറി​ന്റെ അലൂമിനിയം വ്യവസായശാല, 110 കോടി ഡോളറി​ന്റെ വിമാനത്താവള നവീകരണ പദ്ധതി, 33.5 കോടി ഡോളറി​​െൻറ ബനാഗാസ്​ വാതക നിലയം എന്നിങ്ങനെ അടിസ്​ഥാന വികസന രംഗത്ത്​ വൻ നിക്ഷേപമാണ് ബഹ്​റൈൻ നടത്തിയിരിക്കുന്നത്.

malayalam.goodreturns.in