നോക്കിയ സ്മാർട്ട് ഫോൺ സൂപ്പർ ഹിറ്റ്; രജിസ്ട്രേഷൻ 10 ലക്ഷം കടന്നു!!!

കാത്തിരിക്കുന്ന ആ ദിനം

ആഗസ്റ്റ് 23നാണ് ആമസോൺ നോക്കിയ 6 ഇന്ത്യയിൽ വിൽപ്പന നടത്തുക. ആ ദിനത്തിനായുള്ള കാത്തിരിപ്പിലാണ് ഇപ്പോൾ ഉപഭോക്താക്കൾ. ബ്ലാക്ക്, സിൽവർ കളറുകളിലുള്ള ഫോണാണ് ആമസോണിൽ ലഭിക്കുക.

നോക്കിയയുടെ തിരിച്ചു വരവ്

ആൻഡ്രോയിഡ് ഫോൺ വിപണി കീഴടക്കിയതോടെ തിരച്ചടി നേരിട്ട നോക്കിയ മൂന്ന് വർഷത്തിന് ശേഷമാണ് തിരിച്ചു വരവ് നടത്തിയിരിക്കുന്നത്. നോക്കിയ 3, നോക്കിയ 5, നോക്കിയ 6 എന്നീ ഫോണുകളാണ് തിരിച്ചു വരവിന് ശേഷം നോക്കിയ പുറത്തിറക്കിയത്.

ചൈനയിൽ ഹിറ്റ്

ചൈനയിൽ വമ്പൻ സ്വീകാര്യത ലഭിച്ചതിന് ശേഷമാണ് നോക്കിയ ഇന്ത്യയിലേയ്ക്ക് ചുവടുമാറ്റുന്നത്. ചൈനയിലുള്ളതിനേക്കാൾ വില കുറച്ചാണ കമ്പനി ഇന്ത്യയിൽ വിൽപ്പന നടത്തുന്നത്.

നോക്കിയ 6ന്റെ വില

14,999 രൂപയാണ് ഓൺലൈനിൽ നോക്കിയ 6ന്റെ വില. വിലയ്ക്ക് ആനുപാതികമായ ഫീച്ചറുകൾ ഫോണിനുണ്ടെന്ന് കച്ചവടക്കാർ പറയുന്നു.

ഫോണിന്റെ പ്രത്യേകതകൾ

5.5 ഇഞ്ച് ഫുൾ എച്ച്ഡി ഡിസ്പ്ലേ ആണ് ഫോണിന്റേത്. ഗൊറില്ലാ ഗ്ലാസ്, 3 ജിബി റാം, 64 ജിബി ഇന്റേണൽ സ്റ്റോറേജ്, 16 എംപി മെയിൽ ക്യാമറ, 8 എംപി സെൽഫി ക്യാമറ എന്നിവ നോക്കിയ 6ന്റെ പ്രത്യേകതകളാണ്.