ടെലികമ്മ്യൂണിക്കേഷന് മേഖലയിൽ 2018ഓടെ 30 ലക്ഷം തൊഴിലവസരങ്ങൾ ഉണ്ടാകുമെന്ന് പഠനങ്ങൾ വ്യക്തമാക്കുന്നു. 4ജി ടെക്നോളജിയുടെ സ്വീകാര്യത, വര്ധിച്ച ഡാറ്റാ ഉപയോഗം, ഡിജിറ്റല് വാലറ്റുകളുടെ ഉപയോഗം, വർദ്ധിച്ച സ്മാർട്ട്ഫോൺ ഉപയോഗം എന്നിവയാണ് ടെലികോം രംഗത്ത് കൂടുതൽ തൊഴിലവസരങ്ങൾ സൃഷ്ടിക്കാൻ കാരണം.
പഠനം
5 ജി, എം2എം വികസനം, ഐടി രംഗത്തെ വളർച്ച എന്നിവ 2021ഓടെ ഏകദേശം 8,70,000 വ്യക്തിഗത തൊഴിലവസരങ്ങൾ സൃഷ്ടിക്കുമെന്നാണ് പഠനത്തിൽ വ്യക്തമാക്കുന്നത്. അസോചം, കെപിഎംജി എന്നിവയുടെ സംയുക്ത പഠനത്തിലാണ് ഇക്കാര്യങ്ങൾ വ്യക്തമാക്കിയിരിക്കുന്നത്.
നിലവിലുള്ള ജീവനക്കാർ പോരാ
ഈ മേഖലയിലെ നിലവിലുള്ള മാനവവിഭവശേഷി വരാനിരിക്കുന്ന വളർച്ചയനുസരിച്ച് മതിയാകില്ലെന്നും പഠനത്തിൽ വ്യക്തമാക്കുന്നു. അത് തൊഴില് നൈപുണ്യമുള്ളവരുടെ വന്തോതിലുള്ള കുറവുണ്ടാക്കുമെന്നും പറയുന്നു.
തൊഴിലവസരങ്ങൾ
സൈബർ സുരക്ഷ വിദഗ്ദ്ധർ, ആപ്ലിക്കേഷൻ ഡെവലപ്പർമാർ, സെയിൽസ് എക്സിക്യൂട്ടീവ്സ്, ഇൻഫ്രാസ്ട്രക്ച്ചർ ടെക്നീഷ്യൻസ്, ഹാൻഡ്സെറ്റ് ടെക്നീഷ്യൻസ് തുടങ്ങിയ മേഖലകളിലുള്ളവർക്കാണ് തൊഴിൽ ലഭിക്കുക. ഈ മേഖലകളിൽ വിദഗ്ധ പഠനം നടത്തിയാൽ ജോലി ഉറപ്പാണെന്നും പഠനത്തിൽ വ്യക്തമാക്കുന്നു.
വളർച്ച
ടെലികോം സേവന ദാതാക്കൾ അവരുടെ നെറ്റ്വർക്കുകളിൽ നിക്ഷേപം തുടർന്നു കൊണ്ടിരിക്കുകയും അവരുടെ നിലവിലുള്ള നെറ്റ്വർക്ക് ഇൻഫ്രാസ്ട്രക്ചർ ആധുനികവൽക്കരിക്കുകയും ചെയ്യുന്നുണ്ട്. ടെലികോം മേഖലയിൽ ഇപ്പോൾ 19.6 ശതമാനം വാർഷിക വളർച്ചയാണ് ഉണ്ടായിരിക്കുന്നത്. വരിക്കാരുടെ എണ്ണത്തിൽ 7.07 ശതമാനം വളർച്ചയുമുണ്ടായിട്ടുണ്ട്.
malayalam.goodreturns.in