രാജ്യത്തെ മൊബൈല് കോള് നിരക്കുകള് വീണ്ടും കുറയാൻ സാധ്യത. ഒരു നെറ്റ്വക്കിൽ നിന്ന് മറ്റൊന്നിലേക്ക് വിളിക്കുമ്പോള് ഈടാക്കുന്ന ഇന്റർ കണക്ട് യൂസേജ് ചാര്ജ് (ഐയുസി) ഘട്ടംഘട്ടമായി ഇല്ലാതാക്കാനാണ് ട്രായ്യുടെ ശ്രമം.
നിലവില് മിനിറ്റിന് 14 പൈസയാണ് ഉപഭോക്താക്കളില് നിന്ന് ഐയുസിയായി മൊബൈല് സേവന ദാതാക്കള് ഈടാക്കുന്നത്. ആദ്യഘട്ടത്തില് ഇത് ഏഴ് പൈസയും പിന്നീട് മൂന്ന് പൈസയുമായി കുറയ്ക്കാനാണ് ആലോചിക്കുന്നത്. അടുത്ത ഘട്ടത്തില് ചാര്ജ് എടുത്തു കളഞ്ഞേക്കും.
ജിയോയുടെ കടന്നുവരവോടെയാണ് ഐയുസിയില് കുറവു വരുത്താന് ട്രായ് തീരുമാനിച്ചത്. മുമ്പ് ഐയുസി ഇനത്തില് കോടികളാണ് ഉപഭോക്താക്കളില് നിന്ന് നേടിയിരുന്നത്.
2015 ൽ ട്രായ് ഐയുസിക്ക് നിരക്ക് മിനിറ്റിന് 20 പൈസയിൽ നിന്ന് 14 പൈസയായി കുറച്ചിരുന്നു. നിരക്ക് വീണ്ടും കുറച്ചാൽ വോയിസ് കോളുകള്ക്ക് ഈടാക്കുന്ന നിരക്കും കുത്തനെ കുറയും.
malayalam.goodreturns.in