സ്മാർട്ട് ഫോൺ രംഗത്ത് വിപ്ലവം സൃഷ്ടിച്ചാണ് മുകേഷ് അംബാനി ജിയോ സ്മാട്ട്ഫോണുകൾ പുറത്തിറക്കിയത്. 1500 രൂപ നൽകി വേണം സ്മാർട്ട് ഫോൺ വാങ്ങാൻ. എന്നാൽ മൂന്നു വർഷം കഴിയുമ്പോൾ ഈ തുക ഉപഭോക്താക്കൾക്ക് തിരികെ ലഭിക്കും എന്നായിരുന്നു അംബാനിയുടെ പ്രഖ്യാപനം.
എന്നാൽ മൂന്ന് വർഷം ജിയോ ഫോൺ ഉപയോഗിക്കണമെങ്കിൽ കർശനമായ നിയമങ്ങൾ പാലിക്കണമെന്നാണ് പുതിയ റിപ്പോർട്ടുകൾ. മൂന്നു വർഷവും 1500 രൂപയിൽ കുറയാതെ റീചാർജ് ചെയ്തെങ്കിൽ മാത്രമേ ഡിപ്പോസിറ്റ് തുകയായ 1500 രൂപ തിരികെ ലഭിക്കൂ. അതായത് മൂന്ന് വർഷം കൊണ്ട് കുറഞ്ഞത് 4500 രൂപ മുടക്കേണ്ടി വരും.
മാത്രമല്ല മൂന്ന് വർഷവും ഇതേ തുകയ്ക്ക് റീചാർജ് ചെയ്യാൻ സാധിച്ചില്ലെങ്കിൽ കമ്പനി നിങ്ങളിൽ നിന്ന് ഫോൺ തിരികെ ആവശ്യപ്പെടുമെന്നും റിപ്പോർട്ടുകളിൽ പറയുന്നു. മാത്രമല്ല അധിക തുകയും നൽകേണ്ടി വരും.
ഒരു വർഷത്തിനും രണ്ട് വർഷത്തിനുമിടയിലാണ് ഫോൺ തിരികെ വാങ്ങുന്നതെങ്കിൽ 500 രൂപ തിരികെ ലഭിക്കും. രണ്ട് വർഷത്തിനും മൂന്ന് വർഷത്തിനുമിടയിലാണെങ്കിൽ 1000 രൂപ നിങ്ങൾക്ക് തിരികെ ലഭിക്കും.
malayalam.goodreturns.in