ജിഎസ്ടി രജിസ്ട്രേഷൻ നടത്തിയ വ്യാപാരികൾക്ക് സ്വയം രജിസ്ട്രേഷൻ റദ്ദാക്കാൻ അവസരം. വ്യാപാരികൾക്ക് ജിഎസ്ടി സൈറ്റിൽ അവരുടെ പാസ്‍വേ‍ർഡ് ഉപയോ​ഗിച്ച് കയറി രജിസ്ട്രേഷൻ റദ്ദാക്കാം.

ജിഎസ്ടി നിർബന്ധമാണെന്ന് കരുതിയും 20 ലക്ഷത്തിന് മുകളിൽ വ്യാപാരമുണ്ടെന്ന് പ്രതീക്ഷിച്ചും രജിസ്റ്റർ ചെയ്ത വ്യാപാരികൾ പിന്നീട് ഇതിൽ നിന്ന് പിന്മാറാനാകാതെ കുടുങ്ങിയിരുന്നു. വാറ്റ് നികുതി സമ്പ്രദായത്തിൽ നിന്ന് ജിഎസ്ടിയിലേയ്ക്ക് ജൂലൈ ആദ്യം മാറിയവരാണ് പ്രതിനന്ധിയിലായത്.

സെപ്റ്റംബർ മുതൽ ജിഎസ്ടി രജിസ്ട്രേഷൻ എടുത്തവ‍ർക്ക് സ്വയം റദ്ദാക്കാനുള്ള അനുമതിയും സംവിധാനവും ഉണ്ടായിരുന്നു. റിട്ടേൺ വൈകുന്നതിന്റെ പേരിൽ വ്യാപാരികളിൽ നിന്ന് പിഴ ചുമത്തിയതോടെ എതിർപ്പുകൾ ശക്തമായി. ഇതിനെ തുടർന്നാണ് രജിസ്ട്രേഷൻ സ്വയം റദ്ദാക്കാനുള്ള സംവിധാനം സൈറ്റിൽ നടപ്പാക്കിയത്.

റിട്ടേൺ നൽകുമ്പോൾ തെറ്റ് സംഭവിച്ചാൽ തിരുത്താനുള്ള സംവിധാനവും സോഫ്ട്‍വെയറിലില്ല. തെറ്റായി റിട്ടേൺ നൽകിയാൽ പണം തിരികെ കിട്ടില്ല. പരാതിപ്പെടാനുള്ള സംവിധാനവും നിലവിൽ ഇല്ല.

malayalam.goodreturns.in