എയര്‍ടെല്‍ 3ജി സേവനങ്ങള്‍ അവസാനിപ്പിക്കാനൊരുങ്ങുന്നു. മികച്ച സേവനം നല്‍കുന്നതിന് കൂടുതല്‍ 4ജി ഉപകരണങ്ങളില്‍ കമ്പനിക്ക് നിക്ഷേപം നടത്തേണ്ടതുണ്ടെന്നും അതിനാലാണ് 3ജി സേവനങ്ങള്‍ അവസാനിപ്പിക്കുന്നതെന്നും കമ്പനി വ്യക്തമാക്കി.

എയര്‍ടെല്ലിന്റെ എതിരാളിയായ ജിയോ 4 ജി സേവനമാണ് ഉപയോക്താക്കള്‍ക്കു നല്‍കുന്നത്. ജിയോയുമായുള്ള മത്സരത്തിന്റെ ഭാഗമാണ് ഈ തീരുമാനമെന്നും കമ്പനി അറിയിച്ചു.

3 ജിയില്‍ നിക്ഷേപം കുറയ്ക്കുന്നതായും 4 ജി സേവനത്തിനായി നിലവിലെ 2,100 മെഗാഹെര്‍ട്‌സ് 3ജി സ്‌പെകട്രത്തില്‍ മാറ്റം വരുത്തുമെന്നും എയര്‍ടെല്‍ സിഇഒ ഗോപാല്‍ വിറ്റലാണ് വ്യക്തമാക്കിയത്. എന്നാൽ ഭൂരിപക്ഷം ഉപഭോക്താക്കളും ഉപയോഗിക്കുന്ന 2ജി സേവനം തുടരുമെന്നും അദ്ദേഹം വ്യക്തമാക്കി.

മൊബൈൽ, ഡി.ടി.എച്ച്​ ബിസിനസുകളിൽ നിന്ന് റിലയൻസ്​ കമ്യൂണിക്കേഷ​​ൻ പിൻമാറുന്നതായും അടുത്തിടെ റിപ്പോർട്ടുകൾ പുറത്തു വന്നിരുന്നു. 2 ജി മൊബൈൽ സേവനങ്ങളിൽ നിന്നും ഡിടിഎച്ച്​ ബിസിനസിൽ നിന്നും മാറി നിൽക്കാനാണ് അനിൽ അംബാനിയുടെ ​റിലയൻസ്​ കമ്യൂണിക്കേഷൻ തീരുമാനിച്ചിരിക്കുന്നത്.

malayalam.goodreturns.in