ഇന്ത്യയിലെ ഏറ്റവും ധനികനായ വ്യക്തിയാണ് മുകേഷ് അംബാനി. ഫോബ്സ് മാഗസിന്റെ കണക്കു പ്രകാരം 38 ബില്യൺ ഡോളറാണ് ഇദ്ദേഹത്തിന്റെ ആകെ സമ്പത്ത്. എന്നാൽ അംബാനി കുടുബത്തെക്കുറിച്ച് നിങ്ങൾക്കറിയാത്ത പല കാര്യങ്ങളുമുണ്ട്. അവ എന്തൊക്കെയാണെന്ന് നോക്കാം.
കുടുംബം
ഭാര്യ നിത, മക്കളായ ആകാശ്, ഇഷ, അനന്ദ് എന്നിവർ അടങ്ങുന്നതാണ് മുകേഷ് അംബാനിയുടെ കുടുംബം. ഇവരുമായി ബന്ധപ്പെട്ട് നിരവധി വാർത്തകളും മാധ്യമങ്ങളിൽ വന്നിട്ടുണ്ട്.
ലോകത്തിലെ ഏറ്റവും ചെലവേറിയ വീട്
അംബാനിയുടെ പുതിയ വീട് ആൻറിലിയ എന്നാണ് അറിയപ്പെടുന്നത്. ലോകത്തിലെ ഏറ്റവും ചെലവേറിയ വീടാണിത്. ഒരു ബില്ല്യൺ ഡോളറിനും മുകളിലാണ് വീടിന്റെ ചെലവ്. മുംബൈ നഗരത്തിലാണ് വീട് സ്ഥിതി ചെയ്യുന്നത്.
കുടുംബ ബന്ധം
കുടുംബ ബന്ധങ്ങൾക്ക് വളരെയേറെ വില കൊടുക്കുന്നയാളാണ് മുകേഷ് അംബാനി. എത്രമാത്രം തിരക്കുണ്ടെങ്കിലും ഞായറാഴ്ച ദിവസം അമ്മയോടും ഭാര്യയോടും കുട്ടികളോടുമൊപ്പമാകും മുകേഷ് അംബാനി ചെലവഴിക്കുക.
നിതാ അംബാനി
നിരവധി സാമൂഹ്യ പ്രവർത്തനങ്ങളിലും ചാരിറ്റി പദ്ധതികളിലും ഏർപ്പെടുന്ന വ്യക്തിയാണ് നിതാ അംബാനി. ദുരിതാശ്വാസം, വിദ്യാഭ്യാസം, മാനവ വിഭവശേഷി മാനേജ്മെന്റ് എന്നീ മേഖലകളിലാണ് നിതാ അംബാനി സജീവമായിട്ടുള്ളത്. ധീരുഭാരി അംബാനി ഇന്റർനാഷണൽ സ്കൂളിന്റെ ചെയർപേഴ്സണാണ് ഇപ്പോൾ നിതാ അംബാനി.
പിറന്നാൾ സമ്മാനം
സ്വന്തം പിറന്നാൾ ആഘോഷിക്കാൻ താത്പര്യമില്ലാത്ത വ്യക്തിയാണ് മുകേഷ് അംബാനി. എന്നാൽ മറ്റ് കുടുംബാംഗങ്ങളുടെ പിറന്നാൾ ആർഭാട പൂർവ്വം ആഘോഷിക്കുകയും ചെയ്യും. ഒരിക്കൽ ഭാര്യയുടെ പിറന്നാളിന് 62 മില്യൺ ഡോളർ വില മതിക്കുന്ന വിമാനമാണ് മുകേഷ് അംബാനി സമ്മാനമായി നൽകിയത്.
അനിൽ അംബാനി
ഇന്ത്യയിലെ ഏറ്റവും ധനികനായ മറ്റൊരു വ്യക്തിയായിരുന്നു അനിൽ അംബാനി. എന്നാൽ അനിൽ അംബാനിയുടെ ബിസിനസിൽ ചില നഷ്ട്ടങ്ങൾ സംഭവിച്ചു കൊണ്ടിരിക്കുകയാണ് ഇപ്പോൾ. പിതാവിൻറെ മരണത്തിനു മുമ്പ് രണ്ടു സഹോദരന്മാരും ഒരുമിച്ചായിരുന്നു പ്രവർത്തിച്ചു കൊണ്ടിരുന്നത്. എന്നാൽ പിന്നീട് ഇവർ വേർപിരിഞ്ഞ് സ്വന്തം ബിസിനസുകൾ ചെയ്യാൻ തുടങ്ങി.
ആകാശ് അംബാനി
മുകേഷ് അംബാനിയുടെ മൂത്ത മകനും ഇഷ അംബാനിയുടെ ഇരട്ട സഹോദരനുമാണ് ആകാശ്. റിലയൻസ് ഇൻഡസ്ട്രീസിന്റെ നിരവധി കരാറുകളിൽ ആകാശും ഒപ്പിട്ടിട്ടുണ്ട്. അച്ഛന് പിന്നാലെ കുടുംബ ബിസിനസിലേയ്ക്ക് ഇറങ്ങാൻ ആകാശും തയ്യാറാണ്.
ഇഷ അംബാനി
മുകേഷ് അംബാനിയുടെയും നിതാ അംബാനിയുടെയും ഏക മകളാണ് ഇഷ അംബാനി. സൗത്ത് ഏഷ്യൻ സ്റ്റഡീസ് ആന്റ് സൈക്കോളജിയായിരുന്നു ഇഷ അംബാനിയുടെ പഠന വിഷയം. ചെറു പ്രായത്തിൽ തന്നെ റിലയൻസ് ഇൻഡസ്ട്രീസിന്റെ 80 മില്യൺ ഡോളറിന്റെ ഓഹരി ഉടമയാണ് ഇഷ.
ആനന്ദ് അംബാനി
മുകേഷ് അംബാനിയുടെ ഇളയ മകനാണ് ആനന്ദ് അംബാനി. ബാലാജി അമ്പലത്തിലെ സ്ഥിരം സന്ദർശകനാണ് ആനന്ദ് അംബാനി. തന്റെ ഭക്തി തെളിയിക്കാനായി അമ്പലത്തിലേയ്ക്ക് വെളുത്ത ആനകളുടെ വലിയ പ്രതിമകളാണ് ആനന്ദ് സംഭാവന ചെയ്തത്.
അവാർഡുകൾ
നിരവധി പുരസ്കാരങ്ങൾ നേടിയിട്ടുള്ള വ്യക്തിയാണ് മുകേഷ് അംബാനി. ഫോബ്സ് മാഗസിന്റെ തന്നെ നിരവധി പുരസ്കാരങ്ങൾ മുകേഷ് അംബാനി സ്വന്തമാക്കിയിട്ടുണ്ട്. 2017 ലെ ഇന്ത്യയിലെ ഏറ്റവും വലിയ കോടീശ്വരനും മുകേഷ് അംബാനി തന്നെയാണ്.
malayalam.goodreturns.in