349 രൂപയ്ക്ക് 56 ജിബി ഡേറ്റയുമായി എയർടെൽ രം​ഗത്ത്. പ്രതിദിനം രണ്ട് ജിബി ഡാറ്റ വീതം 28 ദിവസത്തേക്കാണ് ഓഫറിന്റെ കാലാവധി. മുമ്പ് ദിവസേന ഒരു ജിബി ഡാറ്റാ നിരക്കിലാണ് ഈ ഓഫ‍ർ നൽകിയിരുന്നത്. 

‌എന്നാൽ പിന്നീട് ഇത് ദിവസേന 1.5 ജിബി ഡാറ്റയാക്കി ഉയർത്തി. ഇപ്പോൾ വീണ്ടും ഡാറ്റാ നിരക്ക് ഉയർത്തിയിരിക്കുകയാണ് കമ്പനി. ഇത് രണ്ടാം തവണയാണ് 349 രൂപയുടെ പ്ലാനിൽ കമ്പനി മാറ്റങ്ങൾ വരുത്തുന്നത്.

549 രൂപയുടെ ഓഫ‍ർ പ്രകാരം ദിവസം 2.5 ജിബി ഡേറ്റയാണ് എയർടെൽ നൽകിയിരുന്നത്. എന്നാൽ പുതുക്കിയ പ്ലാൻ അനുസരിച്ച് 28 ദിവസത്തേക്ക് ദിവസം മൂന്നു ജിബി ഡേറ്റയും ലഭിക്കും.

രണ്ട് ഓഫറുകള്‍ക്കൊപ്പവും പരിധിയില്ലാത്ത സൗജന്യ കോളുകളും ലഭിക്കും. കൂടാതെ ദിവസവും 100 എസ്എംഎസ് സേവനങ്ങളും ഉപഭോക്താക്കൾക്ക് ലഭിക്കും.

malayalam.goodreturns.in