ഇന്ത്യയുടെ സാമ്പത്തിക വളർച്ചാ നിരക്ക് കുറയുമെന്ന് ഏഷ്യൻ വികസന ബാങ്ക് (എഡിബി). നടപ്പു സാമ്പത്തിക വർഷത്തെ വളർച്ചാ നിരക്ക് പ്രതീക്ഷിച്ച ഏഴു ശതമാനത്തിൽ നിന്ന് 6.7 ശതമാനമായി കുറയുമെന്ന് എഡിബി റിപ്പോർട്ട്.
നോട്ട് അസാധുവാൽ, ജിഎസ്ടി, കാർഷികമേഖലയിലുണ്ടായ തിരിച്ചടി എന്നിവയാണ് വളർച്ചാ നിരക്ക് കുറയാൻ കാരണമെന്ന് എഡിബി വ്യക്തമാക്കി. 2018-19 സാമ്പത്തിക വർഷത്തിലും രാജ്യത്തെ മൊത്ത ആഭ്യന്തര ഉൽപാദനം (ജിഡിപി) കുറയുമെന്നാണ് എഡിബിയുടെ നിരീക്ഷണം.
അതേസമയം, ജിഎസ്ടി നടപ്പാക്കിയത് കാരണം ഉൽപാദനമേഖലയിലുണ്ടായ പ്രശ്നങ്ങൾ പരിഹരിക്കാൻ സർക്കാർ ശക്തവും പ്രോത്സാഹനപരവുമായ നടപടികൾ സ്വീകരിക്കുകയാണെങ്കിൽ നിലവിലെ മൂന്നാംപാദത്തിലും 2018 മാർച്ച് 31ന് അവസാനിക്കുന്ന നാലാം പാദത്തിലും വളർച്ചയുണ്ടായേക്കും.
നേരത്തേ ലോകബാങ്കും ഇന്ത്യയുടെ സാമ്പത്തിക വളർച്ച നിരക്ക് പുറകോട്ട് പോകുമെന്ന് പ്രവചിച്ചിരുന്നു. 2017-18ൽ 7.2 ശതമാനം പ്രതീക്ഷിച്ച സ്ഥാനത്ത് ഏഴു ശതമാനമായി കുറയുമെന്നാണ് ലോകബാങ്ക് പറഞ്ഞത്.
malayalam.goodreturns.in