ആധാർ വിവരങ്ങൾ ദുരുപയോ​ഗം ചെയ്തതിന് ഭാരതി എയർടെൽ പിഴ അടക്കേണ്ടി വരുമെന്ന് റിപ്പോർട്ട്. ഉപഭോ​ക്താക്കളുടെ കസ്റ്റമർ വേരിഫിക്കേഷൻ സംവിധാനത്തിൽ എയർടെൽ ആധാർ വിവരങ്ങൾ ദുരുപയോ​ഗം ചെയ്തതായി കണ്ടെത്തിയെന്ന് യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ) അറിയിച്ചു.

പുതിയ കണക്ഷനുകൾ ആരംഭിക്കുന്നതിന് ആധാർ വിവരങ്ങൾ ഉപയോ​ഗിക്കുന്നതിൽ നിന്ന് എയർടെലിന് താത്കാലികമായി വിലക്കേർപ്പെടുത്തിയിട്ടുമുണ്ട്. ആധാർ നിയമങ്ങൾ ലംഘിച്ചതിന് ഭാരതി എയർടെൽ 2 കോടി രൂപ പിഴയടക്കേണ്ടി വരുമെന്നാണ് റിപ്പോർട്ട്.

ഇതു സംബന്ധിച്ച് കമ്പനിക്ക് നോട്ടീസ് അയച്ചതായും യുഐഡിഎഐ അധികൃതർ അറിയിച്ചു. ആധാറും മൊബൈൽ നമ്പറുമായി ബന്ധിപ്പിക്കണമെന്ന് കേന്ദ്രസർക്കാർ വിജ്ഞാപനം പുറപ്പെടുവിച്ചിരുന്നു. 2018 ഫെബ്രുവരി 6 ആണ് ആധാറും മൊബൈൽ നമ്പറുമായി ബന്ധിപ്പിക്കാനുള്ള അവസാന തീയതി.

ബന്ധിപ്പിക്കാത്തവരുടെ മൊബൈൽ നമ്പർ ഫെബ്രുവരി 6 നു ശേഷം അസാധുവാക്കപ്പെടുമെന്നും സർക്കാർ അറിയിച്ചിരുന്നു. മൊബൈൽ നമ്പറും ആധാറും ബന്ധിപ്പിക്കുന്ന സംവിധാനങ്ങളിലാണ് ഇപ്പോൾ എയർടെൽ ആധാർ വിവരങ്ങൾ ചെയ്തതായി കണ്ടെത്തിയത്.

malayalam.goodreturns.in