മാ‍ർക്കറ്റ് ക്യാപിറ്റലൈസേഷൻ അനുസരിച്ച് ലോകത്തിലെ ഏറ്റവും വലിയ രണ്ടാമത്തെ ക്രിപ്റ്റോകറൻസിയായ റൈപ്പിൾ റെക്കോ‍ർഡ് ഉയരത്തിൽ. ജനുവരി മൂന്ന് ബുധനാഴ്ച റൈപ്പിളിന്റെ മൂല്യം 3 ഡോള‍ർ കടന്നു.

എക്സ്ആ‍ർപി (XRP) എന്നറിയപ്പെടുന്ന ഈ ഡിജിറ്റൽ കറൻസി കഴിഞ്ഞ 12 മാസങ്ങളിൽ വച്ച് 49,500 ശതമാനം വർദ്ധനവാണ് രേഖപ്പെടുത്തിയിരിക്കുന്നത്. കഴിഞ്ഞ മാസത്തെ അപേക്ഷിച്ച് ഈ മാസം ആയിരം ശതമാനത്തിലധികം വർദ്ധനവും ഉണ്ടായിട്ടുണ്ട്.

XRP ടോക്കൺ, ഗ്ലോബൽ മണി ട്രാൻസാക്ഷൻ ബിസിനസ് എന്നിവയിൽ ഏർപ്പെട്ടിരിക്കുന്ന ഒരു കമ്പനിയാണ് റൈപ്പിൾ. ബ്ലോക്ക് ചെയിൻ സാങ്കേതിക വിദ്യ ഉപയോ​ഗിച്ച് ബാങ്കുകളും ഉപഭോക്താക്കളും തമ്മിലുള്ള അന്താരാഷ്ട്ര പെയ്മെന്റുകളാണ് ഇതുവഴി നടത്തുക.

നിരവധി സാമ്പത്തിക സ്ഥാപനങ്ങൾ ക്രിപ്റ്റോകറൻസി നിക്ഷേപത്തെക്കുറിച്ച് പഠനം നടത്തി കൊണ്ടിരിക്കുകയാണ്. ഡിജിറ്റൽ കറൻസി മാർക്കറ്റിൽ ബിറ്റ്കോയിന്റെ വില കഴിഞ്ഞ ദിവസം ഇടിഞ്ഞിരുന്നു.

malayalam.goodreturns.in