ആമസോണിന്റെ സ്ഥാപക ചെയർമാനും സിഇഒയുമായ ജെഫ് ബെസോസ് ഇനി ലോകസമ്പന്നൻ. മൈക്രോസോഫ്ട് സ്ഥാപകനും ബിസിനസ്സ് മാഗ്നറ്റുമായ ബിൽ​ഗേറ്റ്സിനെ പിന്തള്ളിയാണ് ജെഫ് ബെസോസ് ഒന്നാമത്തെത്തിയത്.

ബ്ലൂംബെർഗിന്റെ ബില്യണയർ ഇൻഡെക്സ് അനുസരിച്ച് ജെഫ് ബെസോസിന്റെ ആസ്തി 106 ബില്യൺ ഡോളറാണ്. ചൊവ്വാഴ്ച്ച വരെയുള്ള കണക്കനുസരിച്ച് ബിൽ ഗേറ്റ്സിന്റെ ആകെ ആസ്തി 93.3 ബില്യൺ ഡോളർ മാത്രമാണ്.

2013 മുതൽ ബിൽ ഗേറ്റ്സായിരുന്നു ഒന്നാം സ്ഥാനത്ത്. എന്നാൽ കഴിഞ്ഞ വർഷം ജൂലൈയിൽ ഒരു ദിവസം മാത്രം ജെഫ് ബെസോസ് ബിൽ ഗേറ്റ്സിനേക്കാൾ മുന്നിലെത്തിയിരുന്നു. എന്നാൽ അന്ന് കണ്ണടച്ച് തുറക്കും മുമ്പ് ജെഫ് ബെസോസിനെ പിന്തള്ളി കോടീശ്വര കുലപതി ബിൽ ​ഗേറ്റ്സ് തന്റെ ഒന്നാം സ്ഥാനം വീണ്ടെടുത്തു.

കഴിഞ്ഞ അഞ്ച് ദിവസത്തെ വ്യാപാരത്തിൽ, ആമസോണിന്റെ ഓഹരികൾ 5 ശതമാനമാണ് ഉയർന്നത്. കഴിഞ്ഞ ഒരു വർഷത്തിനുള്ളിൽ, ആമസോണിന്റെ ഓഹരികൾ 57% വളർച്ച കൈവരിച്ചിട്ടുണ്ട്.

malayalam.goodreturns.in