സിമന്റ്

സിമന്റിന്റെയും മറ്റും ജിഎസ്ടി (ഗുഡ്സ് ആൻഡ് സർവ്വീസ് ടാക്സ്) 28 ശതമാനത്തിൽ നിന്ന് 18 ശതമാനമായി കുറയ്ക്കാൻ സാധ്യതയുണ്ടെന്നും ഇവർ പറയുന്നു. കൂടാതെ കോർപറേറ്റ് ടാക്സ്, ഡിവിഡന്റ് ഡിസ്ട്രിബ്യൂഷൻ ടാക്സ്, മിനിമം ആൾട്ടർനേറ്റീവ് ടാക്സ് (മാറ്റ്) എന്നിവയും കുറയ്ക്കണമെന്നാണ് നിർമ്മാണ മേഖലയിലുള്ളവരുടെ ആവശ്യം.

കോർപ്പറേറ്റ് ടാക്സ്

കോർപ്പറേറ്റ് ടാക്സിൽ 5 ശതമാനം ഇളവ് വരുത്തുമെന്ന് ധനമന്ത്രി അരുൺ ജെയ്റ്റ്ലി മാസങ്ങൾക്ക് മുമ്പ് തന്നെ വാഗ്ദാനം ചെയ്തിരുന്നു. 2019ലെ പൊതുതെരഞ്ഞെടുപ്പിന് മുമ്പുള്ള എൻഡിഎ സർക്കാരിന്റെ അവസാന ബജറ്റായതിനാൽ ഇത് നടപ്പിലാക്കാൻ സാധ്യതയുണ്ടെന്ന് വിദഗ്ധർ പറയുന്നു.

നികുതി ഇങ്ങനെ

ഉദാഹരണത്തിന്, ഒരു കമ്പനിയുടെ നികുതി ബാധക വരുമാനം 100 കോടിയാണെങ്കിൽ, 30 കോടി രൂപ കോർപ്പറേറ്റ് ടാക്സ് ആയി നൽകണം. 30 ശതമാനമാണ് ഇത്തരത്തിൽ ടാക്സ് ആയി ലഭിക്കുന്നത്. ഇതിൽ 5 ശതമാനം കുറച്ചാൽ 5 കോടി രൂപയാണ് കമ്പനിയ്ക്ക് ലാഭം ലഭിക്കുക.

ഡിവിഡന്റ് ഡിസ്ട്രിബ്യൂഷൻ ടാക്സ്

ബജറ്റിൽ സർക്കാ‍ർ ഓഹരിയുടമകളിൽ നിന്ന് ഈടാക്കുന്ന ഡിവിഡന്റ് ഡിസ്ട്രിബ്യൂഷൻ ടാക്സ് റദ്ദാക്കാൻ സാധ്യതയുണ്ടെന്നും വിദഗ്ധർ പറയുന്നു. നികുതിയായി ഈടാക്കുന്ന ഉയർന്ന തുക, മൂലധന വരുമാനത്തിലുള്ള ഗണ്യമായ കുറവ് എന്നീ കാരണങ്ങളാലാണ് ഡിഡിടി കോ‍ർപ്പറേറ്റുകൾക്ക് തലവേദനയാകുന്നത്.