കേന്ദ്ര ബജറ്റിൽ ഗ്രാമീണ, കാ‍‍ർഷിക മേഖലയ്ക്ക് ഊന്നൽ നൽകണമെന്ന് കേന്ദ്ര ഗതാഗത, ജലവിതരണ, നദീതീര വികസന മന്ത്രി നിതിൻ ഗഡ്കരി വെള്ളിയാഴ്ച മുംബൈയിൽ പറഞ്ഞു.

ധനമന്ത്രി കേന്ദ്ര ബജറ്റിൽ കാർഷിക-ഗ്രാമീണ മേഖലയ്ക്ക് കൂടുതൽ പ്രാധാന്യം നൽകണമെന്നും ഇത് നഗരപ്രദേശങ്ങളിലെ പ്രശ്നങ്ങൾ പോലും പരിഹരിക്കുമെന്നും ഗ്രാമീണ ഇന്ത്യയുടെ മുഖഛായ തന്നെ മാറ്റുമെന്നും അദ്ദേഹം പറഞ്ഞു.

തൊഴിലില്ലായ്മ, താഴ്ന്ന ജീവിത നിലവാരം തുടങ്ങിയ കാരണങ്ങളാൽ ഗ്രാമീണ മേഖലയിൽ നിന്ന് നിരവധി പേർ നഗരങ്ങളിലേയ്ക്ക് കുടിയേറിയിട്ടുണ്ടെന്നും ഇത് നഗര പ്രദേശങ്ങളിലെ സമ്മർദ്ദം വർദ്ധിപ്പിക്കുമെന്നും അദ്ദേഹം വ്യക്തമാക്കി.

2022 ഓടെ കാർഷിക വരുമാനം ഇരട്ടിയാക്കാനും, കാർഷിക വളർച്ചാ നിരക്ക് 10 ശതമാനത്തിലധികം വർദ്ധിപ്പിക്കാനും സർക്കാർ ലക്ഷ്യമിടുന്നുണ്ടെന്നും അദ്ദേഹം കൂട്ടിച്ചേർത്തു. രാജ്യത്തിന്റെ ചരിത്രത്തിലെ ഒരു നാഴികക്കല്ലായി ഇത് മാറുമെന്നും അദ്ദേഹം പറഞ്ഞു.

malayalam.goodreturns.in