ഇന്ത്യൻ ഓഹരി വിപണിയിൽ ഇന്ന് രാവിലെ മികച്ച മുന്നേറ്റം. നിഫ്റ്റി 50 പോയിൻറ് ഉയർന്ന് 11,148.25 എന്ന നിലയിലാണ് വ്യാപാരം തുടങ്ങിയത്.

ജനുവരി 25ന് വിപണി അവസാനിച്ചപ്പോൾ 1.6 ശതമാനം ഉയർച്ചയാണ് സെൻസെക്സ് രേഖപ്പെടുത്തിയത്. ബജറ്റ് ആഴ്ചയിലെ ഏറ്റവും ഉയർന്ന നിരക്കാണ് ഇന്ന് ഇൻഡെക്സിൽ രേഖപ്പെടുത്തിയത്.

ബജറ്റിൽ പ്രതീക്ഷയ്ക്ക് വകയുള്ള മേഖലകളിലാണ് നിക്ഷേപക‍ർ ശ്രദ്ധ കേന്ദ്രീകരിക്കുന്നത്. സിമന്റ്, ഇൻഫ്രാസ്ട്രക്ചർ, എഫ്എംസിജി, ഓട്ടോമൊബൈൽ തുടങ്ങിയ മേഖലകളിൽ ബജറ്റ് വകയിരുത്തൽ ഉണ്ടാകുമെന്നാണ് വിദ​ഗ്ധരുടെ വിലയിരുത്തൽ.

അതുകൊണ്ട് തന്നെ ഈ മേഖലകളിലെ ഓഹരികൾ വാങ്ങുന്നത് നിക്ഷേപകർക്ക് നേട്ടമുണ്ടാക്കാൻ സാധ്യതയുണ്ട്. കഴിഞ്ഞ വർഷം ബജറ്റിന് മുമ്പുള്ള വ്യാപാരം ഇന്നത്തെ അപേക്ഷിച്ച് വളരെ എളുപ്പമായിരുന്നു. സൺ ഫാ‍ർമയുടെയും മറ്റും ഓഹരികൾ നിക്ഷേപക‍ർക്ക് 12 ശതമാനം ലാഭം നേടി തരുമെന്നാണ് വിദ​ഗ്ധരുടെ അഭിപ്രായം.

malayalam.goodreturns.in