എല്ലാ ട്രെയിനുകളിലും വൈഫൈയും സിസിടിവിയും ഏര്‍പ്പെടുത്തുമെന്ന് കേന്ദ്ര ബജറ്റില്‍ പ്രഖ്യാപനം. റെയില്‍വേക്ക് 1.48 ലക്ഷം കോടി രൂപയാണ് വിഹിതമായി നീക്കിവച്ചിരിക്കുന്നത്.

എന്നാൽ ടിക്കറ്റ് നിരക്കുകളിൽ കുറവ് ഏർപ്പെടുത്തിയിട്ടില്ലെന്നതാണ് ശ്രദ്ധേയം. യാത്രക്കാരുടെ സുരക്ഷയ്ക്കും ആധുനികത്ക്കരണത്തിനുമാണ് ബജറ്റിൽ തുക വകയിരുത്തിയിരിക്കുന്നത്. കഴിഞ്ഞ വർഷം മുതലാണ് കേന്ദ്ര ബജറ്റിനൊപ്പം റെയിൽവേ ബജറ്റും അവതരിപ്പിക്കാൻ തുടങ്ങിയത്.

3000 കോടി രൂപ ചെലവിൽ 12 ലക്ഷം സിസിടിവി കാമറകൾ സ്ഥാപിക്കുന്നതാണ് പദ്ധതി. 11000 ട്രെയിനുകളിലാണ് സിസിടിവി കാമറകൾ സ്ഥാപിക്കുക. 8,500ഓളം സ്റ്റേഷനുകളിലും കാമറകൾ സ്ഥാപിക്കും.

18000 കിലോ മീറ്റർ റെയിൽ പാത ഇരട്ടിപ്പിക്കുന്നതിനും ബജറ്റിൽ തുക വകയിരുത്തിയിട്ടുണ്ട്. കൂടാതെ 600 റെയിൽവേ സ്റ്റേഷനുകൾ നവീകരിക്കുകയും ചെയ്യും.

malayalam.goodreturns.in