ഓഹരി വിപണിയ്ക്ക് തിരിച്ചടി

ഇക്വിറ്റി ഷെയറുകളിൽ നിക്ഷേപിക്കുന്നവർക്ക് ഒരു ലക്ഷം രൂപയിൽ കൂടുതൽ വരുമാനം ലഭിച്ചാൽ ലോങ് ടേം ക്യാപിറ്റൽ ഗെയിൻ ടാക്സ് ഇനത്തിൽ 10 ശതമാനം ഈടാക്കും.  ഇക്വിറ്റി മ്യൂച്വൽ ഫണ്ടുകൾക്കും 10% നികുതി നൽകണം.

മുതിർന്ന പൗരന്മാർക്ക്

12:36 pm: മുതിർന്ന പൗരന്മാരുടെ നികുതി ആനുകൂല്യങ്ങൾ 30,000 രൂപയിൽ നിന്ന് 50,000 രൂപയാക്കി വർധിപ്പിച്ചു.  

കോർപറേറ്റ് നികുതി കുറച്ചു

12:34 pm: ശമ്പളക്കാരുടെ അടിസ്ഥാന കിഴിവ്  40,000 രൂപയാക്കി. 

12:25 pm: 2016-17 ൽ മാത്രം 250 കോടി രൂപ വിറ്റുവരവുളള കമ്പനികൾക്ക് കോർപറേറ്റ് നികുതി 25 ശതമാനമായി കുറച്ചു.

രാഷ്ട്രപതിയുടെ ശമ്പളം കൂട്ടി

12:17 pm: രാഷ്ട്രപതി, ഉപരാഷ്ട്രപതി, ഗവർണർമാർ എന്നിവരുടെ ശമ്പളം വർദ്ധിപ്പിച്ചു. രാഷ്ട്രപതിയുടെ ശമ്പളം 5 ലക്ഷം രൂപയായും ഉപരാഷ്ട്രപതിയുടേത് 4 ലക്ഷമായും ഗവർണറുടേത് 3.5 ലക്ഷം രൂപയായും വർദ്ധിപ്പിക്കും.

12.12 pm: സർക്കാർ ഉടമസ്ഥതയിലുള്ള 3 ദേശസാൽക്കൃത ഇൻഷുറൻസ് കമ്പനികൾ ലയിപ്പിക്കും. 

റെയിൽവേ

12:06 pm: മുംബൈ ട്രാൻസ്പോർട്ട് സിസ്റ്റം വിപുലീകരിക്കും. 160 കിലോമീറ്റർ ദൈർഘ്യമുള്ള സബർബൻ ശൃംഖല ബംഗലൂരുവിനായി ആസൂത്രണം ചെയ്തു. 

12.05 pm: 1.49 ലക്ഷം കോടി റെയിൽവേ വികസനത്തിന് വകയിരുത്തി.  600 റെയിൽവേ സ്റ്റേഷനുകൾ പുന: സ്ഥാപിക്കും.

12.00 am : 9000 കിലോമീറ്റർ എൻഎച്ച് ഉടൻ പൂർത്തിയാക്കും.

ഇപിഎഫ്

11.54 am: എല്ലാ മേഖലകളിലും പുതിയതായി ചേരുന്ന തൊഴിലാളികൾക്ക് 12 ശതമാനം ഇപിഎഫ് സർക്കാർ സംഭാവന ചെയ്യും

11:46 am: പലിശ സബ്സിഡി ഉൾപ്പെടെ എംസ്എംഇ മേഖലയ്ക്ക് 3,794 കോടി രൂപ.

11:43 am: ലൈഫ് ഇൻഷുറൻസ്: നിലവിലെ സ്കീമുകൾ നീട്ടി.

ആരോഗ്യ മേഖല

11.40 am: 10 കോടി കുടുംബങ്ങൾക്ക് അഞ്ച് ലക്ഷം രൂപ വരെ നൽകുന്ന ആരോഗ്യ സംരക്ഷണ പദ്ധതി. ലോകത്തിലെ തന്നെ ഏറ്റവും വലിയ സർക്കാർ ആരോഗ്യ പരിപാടിയാണിതെന്ന് അരുൺ ജയ്റ്റ്ലി വ്യക്തമാക്കി. 

വിദ്യാഭ്യാസ മേഖല

11:38 am: ആരോഗ്യ, വിദ്യാഭ്യാസ, സാമൂഹിക പരിരക്ഷ കണക്കിലെടുത്ത് കൂടുതൽ പദ്ധതികൾ. വിദ്യാഭ്യാസ മേഖല കൂടുതൽ മെച്ചപ്പെടുത്തുന്നതിന്റെ ഭാഗമായി ബ്ലാക്ക്ബോർഡിൽ നിന്നും ഡിജിറ്റൽ ബോർഡിലേയ്ക്ക് മാറ്റുന്നതിനുള്ള  സാങ്കേതികവിദ്യ പരിഷ്കാരങ്ങൾ നടപ്പിലാക്കും.

11:36 am: സ്വച്ഛ് ഭാരത് മിഷന്റെ കീഴിൽ 2 കോടി ടോയ്ലറ്റുകൾ കൂടി നിർമ്മിക്കും.

വൈദ്യുതി കണക്ഷൻ

11:34 am: ഹരിയാന, ഉത്തർപ്രദേശ്, പഞ്ചാബ് എന്നീ സംസ്ഥാനങ്ങൾക്ക് വായു മലിനീകരണ പ്രശ്നത്തിൽ ഇടപെടാൻ പ്രത്യേക പദ്ധതി നടപ്പാക്കും.

11:33 am: വൈദ്യുതി കണക്ഷനില്ലാത്ത ഗ്രാമീണ കുടുംബങ്ങളിലേക്ക് വൈദ്യുതി എത്തിക്കാൻ പദ്ധതി.

മത്സ്യബന്ധന-ജലവിഭവ വികസന

11:29 am: ഉജജ്വല സ്കീമിനു കീഴിൽ 80 ദശലക്ഷം സൌജന്യ എൽ.പി.ജി. കണക്ഷനുകൾ നൽകും.

11:27 am: മത്സ്യബന്ധന-ജലവിഭവ വികസന ഫണ്ടിൽ 10,000 കോടി വകയിരുത്തി.

ഭക്ഷ്യ മേഖല

11.24 am: ഭക്ഷ്യ സംസ്കരണത്തിനുള്ള വിഹിതം ഇരട്ടിയാക്കും. വിളകൾ നേരിട്ട് കർഷകർക്ക് വിറ്റഴിക്കാൻ 22,000 ഗ്രാമീണ അഗ്രി സെന്ററുകൾ ആരംഭിക്കും

ഓപ്പറേഷൻ "ഗ്രീൻ"

11:22 am: ഓപ്പറേഷൻ "ഗ്രീൻ" ആരംഭിച്ചു. പ്രവർത്തി മൂലധന ആവശ്യങ്ങൾ നിറവേറ്റുന്നതിന് കിസാൻ ക്രെഡിറ്റ് കാർഡുകൾ സമാരംഭിക്കും.

യൂണിയൻ ബജറ്റ് ലൈവ്

11.06: 2018-19 സാമ്പത്തിക വർഷത്തിന്രെ രണ്ടാം പാദത്തിൽ സാമ്പത്തിക വളർച്ച 7.4 ശതമാനത്തിലെത്തുമെന്നും അദ്ദേഹം വ്യക്തമാക്കി. 8 ശതമാനം വളർച്ച നേടാനുള്ള പാതയിലാണ് രാജ്യം.

11.04: അരുൺ ജയ്റ്റ്ലി സംസാരിക്കാൻ പാർലമെന്റിൽ സംസാരിക്കാൻ തുടങ്ങി.