ഇ-കൊമേഴ്സ് വെബ്സൈറ്റായ ആമസോണ്‍ വഴി ജിയോ ഫോണ്‍ സ്വന്തമാക്കാന്‍ ഇതാ അവസരം. മൂന്ന് വര്‍ഷത്തെ സുരക്ഷാ നിക്ഷേപമായ 1500 രൂപയ്ക്കാണ് ഫോണ്‍ ആമസോണില്‍ നിന്നും ലഭ്യമാകുന്നത്.

രാ​ജ്യ​ത്ത് നിലവിൽ 50 കോ​ടിയോളം പേരാണ് ജി​യോ ഫോ​ണ്‍ ഉപയോഗിക്കുന്നത്. കഴിഞ്ഞ വര്‍ഷം ജുലൈ 21 നാണ് ജിയോ 4ജി വോള്‍ടി സൗകര്യത്തോടു കൂടിയ ജിയോ ഫോണ്‍ അവതരിപ്പിച്ചത്. 2.4 ഇഞ്ച് ഡിസ്‌പ്ലേയും രണ്ട് മെഗാപ്കിസല്‍ ക്യാമറയും 2000 mAh ബാറ്ററിയുമാണ് ജിയോഫോണിനുള്ളത്.

കഴിഞ്ഞ ദിവസം മുതൽ ജി​യോ ഫോ​ണി​ൽ ഫേ​സ്ബു​ക്കും ല​ഭി​ച്ചു തുടങ്ങി. ജി​യോ ഫോ​ണി​ന്‍റെ ഓ​പ്പ​റേ​റ്റിം​ഗ് സി​സ്റ്റ​മാ​യ ജി​യോ കൈ (KAI OS) ​ഒ​എ​സി​നു വേ​ണ്ടി പ്ര​ത്യേ​കം ത​യാ​റാ​ക്കി​യ പ​തി​പ്പാ​ണ് കഴിഞ്ഞ ദിവസം പുറത്തിറക്കുന്നത്.

പു​ഷ് നോ​ട്ടി​ഫി​ക്കേ​ഷ​നു​ക​ൾ, വീ​ഡി​യോ, ന്യൂ​സ് ഫീ​ഡു​ക​ൾ, ഫോ​ട്ടോ തു​ട​ങ്ങി ഫേ​സ്ബു​ക്കി​ന്‍റെ എ​ല്ലാ സ​വി​ശേ​ഷ​ത​ക​ളും പുതിയ ​ഫേ​സ്ബു​ക്ക് ആ​പ്ലി​ക്കേ​ഷ​നി​ലു​ണ്ടാ​കും.

malayalam.goodreturns.in