ആഗോള ഇ-കോമേഴ്‌സ് കമ്പനിയായ ഫ്‌ളിപ്പ്കാര്‍ട്ട് വഴി ഇനി വിമാന ടിക്കറ്റും ഹോട്ടൽ റൂമും വരെ ബുക്ക് ചെയ്യാം. കൂടാതെ ട്രെയിൻ ടിക്കറ്റുകളും ബസ് ടിക്കറ്റുകളും ഉടൻ തന്നെ ഫ്ലിപ്കാർട്ട് ലഭ്യമാക്കും.

രാജ്യത്തെ ഏറ്റവും വലിയ ഇ-കൊമേഴ്സ് കമ്പനിയായ ഫ്ലിപ്കാർട്ട് രാജ്യത്തെ ഏറ്റവും വലിയ ഓൺലൈൻ ട്രാവൽ ഓപ്പറേറ്ററായ മെയ്ക്ക് മൈ ട്രിപ്പുമായി ചേർന്നാണ് ഹോട്ടൽ റൂമുകളുടെ ബുക്കിംഗ് ഏർപ്പെടുത്തിയിരിക്കുന്നത്.

ഏതാനും ദിവസങ്ങൾക്കുള്ളിൽ ഫ്ലിപ്കാർട്ട് വഴി ആഭ്യന്തര വിമാന ടിക്കറ്റുകളും ലഭിച്ചു തുടങ്ങും. അടുത്ത ആഴ്ചകളിൽ ഹോട്ടൽ, ബസ്, അവധി ദിവസങ്ങൾ പോലുള്ള മറ്റ് സെഗ്മെന്റുകൾ കൂടി ഫ്ലിപ്കാർട്ട് ഹോം പേജിൽ കണ്ടു തുടങ്ങും.

മെയ്ക്ക് മൈ ട്രിപ്പ് കൂടാതെ ഗോ ഇബിബോ, റെഡ് ബസ് തുടങ്ങിയ ഓൺലൈൻ സൈറ്റുകളും ഫ്ലിപ്കാർട്ടുമായി സഹകരിക്കും. ഇത്തരത്തിലുള്ള മാറ്റങ്ങളുടെ ഭാഗമായി ഫ്ലിപ്കാർട്ട് അടുത്തിടെ ജീവനക്കാരുടെ എണ്ണം കൂട്ടാൻ തീരുമാനിച്ചിരുന്നു.

malayalam.goodreturns.in