നവകേരള നിര്മിതിക്ക് ഊന്നല് നല്കുന്ന ബജറ്റില് പുനര്നിര്മാണത്തിന് തുക സ്വരൂപിക്കാൻ പ്രളയ സെസ് പ്രഖ്യാപിക്കും.ആഡംബര വസ്തുക്കളുടെ വില കൂട്ടുന്ന പ്രഖ്യാപനവും ഉണ്ടാകും . പുനർനിർമാണത്തിന് പണംകണ്ടെത്താൻ ഉത്പന്നങ്ങളുടെ നികുതി ഒരുശതമാനം കൂട്ടും. എന്നാൽ, ജി.എസ്.ടി.യിൽ അഞ്ചുശതമാനം നിരക്ക് ബാധകമായ ഉത്പന്നങ്ങൾക്ക് ഈ വർധന ബാധമാക്കില്ല.എന്നാൽ ജനുവരി 31 ന് ധനമന്ത്രി ടി.എം. തോമസ് ഐസക് ആവതെറിപ്പിക്കാനിരിക്കുന്ന ബജറ്റിൽ കാറുകൾ, റഫ്രിജറേറ്റർ, ടിവി, എയർ കണ്ടീഷനർ, സിമൻറ്, സിഗരറ്റി തുടങ്ങിയ ആഡംബര വസ്തുക്കൾ വില കൂടുന്ന ലിസ്റ്റുണ്ടാകും. സെസ്സ് കേരളത്തിനു മാത്രം, ബാധകമായതു കൊണ്ട് , സംസ്ഥാനത്തിന് പുറത്തുനിന്നുള്ള ഉൽപ്പന്നങ്ങൾ കുറഞ്ഞ വിലയ്ക്ക് വാങ്ങുന്നത് വീണ്ടും വ്യാപകമാകുമോ എന്ന ആശങ്കയും നില നിൽക്കുന്നുണ്ട്.
ലോക്സഭാ തിരഞ്ഞെടുപ്പ് കാലമായതിനാൽ ക്ഷേമപെൻഷൻ കൂട്ടുന്നത് ഉൾപ്പെടെയുള്ള ജനക്ഷേമ പരിപാടികൾ സർക്കാർ പ്രഖ്യാപിച്ചേക്കും .
പ്രധാനമന്ത്രിയുടെ ആരോഗ്യ ഇൻഷുറൻസ് പദ്ധതിയായ ആയുഷ്മാൻ ഭാരത് പരിഷ്കരിച്ച് 45 ലക്ഷം കുടുംബങ്ങൾക്ക് ആനുകൂല്യം കിട്ടുന്ന പദ്ധതി ബജറ്റിൽ പ്രഖ്യാപിക്കും.കാരുണ്യ ആരോഗ്യസംരക്ഷണ പദ്ധതി എന്ന പേരിലാണിത്. വർഷം 1200 കോടി രൂപ നീക്കിവെക്കും.