Kerala budget 2019: കുട്ടനാടിനും തീരദേശ മേഖലയ്ക്കും പ്രത്യേക പാക്കേജ്, നവകേരളത്തിന് 25 പദ്ധതികൾ

2019-2020 സാമ്പത്തിക വർഷത്തിലേക്കുള്ള സംസ്ഥാന ബജറ്റ് ധനകാര്യമന്ത്രി തോമസ് ഐസക് വ്യാഴാഴ്ച അവതരിപ്പിക്കും. ലോകസഭാ തിരഞ്ഞെടുപ്പ് അടുത്തു വന്നിരിക്കുന്നതിനാൽ കൂടുതൽ ക്ഷേമപദ്ധതികൾ ബജറ്റിൽ ഉൾപ്പെടുത്താനുള്ള സാധ്യതയുണ്ട്.
രാജ്യമാകെ ഏകീകൃത നികുതി സമ്പ്രദായം(ജിഎസ്ടി) നിലവിൽ വന്നതിനാൽ പുതിയ ടാക്സ് കൊണ്ടു വരാൻ സാധിക്കില്ല. അതേ സമയം പ്രളയ സെസ് ഏർപ്പെടുത്താനുള്ള സാധ്യതയുണ്ട്. കേരളത്തിന്റെ പുനർനിർമാണത്തിന് ഒരു ശതമാനം അഡീഷണൽ നികുതി കൊണ്ടുവരാൻ കേരളത്തിന് അനുമതി ലഭിച്ചിരുന്നു. അടിസ്ഥാന വിലയ്ക്കു മുകളിലാണ് പ്രളയസെസ് ചുമത്താൻ പോകുന്നത്.
ക്ഷേമപെൻഷൻ തുകയിൽ ചെറിയ വർധനവ് വരുത്തുന്ന കാര്യവും ബജറ്റ് പരിഗണിക്കാൻ സാധ്യതയുണ്ട്. കൂടാതെ കേന്ദ്രത്തിന്റെ ആരോഗ്യപദ്ധതിയുടെ ചുവട് പിടിച്ച് ഒരു പുതിയ ഇൻഷുറൻസ് പദ്ധതിയും പ്രഖ്യാപിച്ചേക്കുമെന്നാണ് സൂചനകൾ വ്യക്തമാക്കുന്നത്.