വായ്പനയത്തിന് മുന്നോടി

ഏപ്രിൽ നാലിന് നടക്കുന്ന വായ്പനയ അവലോകന യോഗത്തിന് മുന്നോടിയായി അഭിപ്രായ രൂപികരണത്തിന് വേണ്ടിയാണ് യോഗം ചേരുന്നത്. നീണ്ട 18 മാസത്തെ ഇടവേളക്ക് ശേഷം ഇക്കഴി‌‌ഞ്ഞ ഫെബ്രുവരിയിലാണ് റിസർവ് ബാങ്ക് പലിശ നിരക്കുകളിൽ ഇളവ് വരുത്തിയത്.

ചർച്ചയിലെ വിഷയങ്ങൾ

പലിശ നിരക്ക് ക്രമീകരിക്കുന്നത് സംബന്ധിച്ചും സമ്പദ്‍വ്യവസ്ഥയ്ക്ക് ഉത്തേജനം നൽകുന്നത് സംബന്ധിച്ചുമാകും യോ​ഗത്തിൽ ആർബിഐ ഗവർണർ മറ്റ് പ്രതിനിധികളുടെ നിർദേശങ്ങൾ ചോദിച്ചറിയുക. മുംബൈയിലാണ് ചർച്ച നടക്കുക.

പലിശ നിരക്ക് കുറയ്ക്കണമെന്ന് ആവശ്യം

പൊതു തെരഞ്ഞെടുപ്പിന് മുന്‍പ് നടക്കാനിരിക്കുന്ന പണനയ അവലോകന യോഗമായമാണ് ഇനി വരാനിരിക്കുന്നത്. അതുകൊണ്ട് തന്നെ പലിശ നിരക്കിൽ കൂടുതൽ ഇളവ് പ്രഖ്യാപിക്കണമെന്ന ആവശ്യമാണ് വ്യാവസായിക ലോകത്ത് നിന്ന് ഉയർന്നിട്ടുള്ളത്. പൊതു തെരഞ്ഞെടുപ്പിന് മുന്‍പുള്ള യോ​ഗമായതിനാൽ രാജ്യത്തെ ധനകാര്യ സ്ഥാപനങ്ങളും വ്യവസായികളും ഏറെ ശ്രദ്ധയോടെയാണ് പണനയ അവലോകന യോഗ തീരുമാനങ്ങളെ നോക്കി കാണുന്നത്.