ഇന്ത്യയിലെ പ്രമുഖ ടെലികോം സേവദാതാവായ ഭാരതി എയർടെൽ ചെയർമാൻ സുനിൽ മിത്തലിനും സിഇഒ ഗോപാൽ വിറ്റലിനും 2018-19ൽ നൽകിയ അധിക വേതനം നിലനിർത്താൻ ഓഹരി ഉടമകളുടെ അനുമതി ലഭിച്ചു. ഓഗസ്റ്റ് 14 ന് നടന്ന വാർഷിക പൊതുയോഗത്തിൽ (എജിഎം) 88 ശതമാനം ഓഹരിയുടമകളും അധിക വേതനം നൽകാൻ അനുമതി നൽകിയപ്പോൾ 11.7 ശതമാനം പേർ ഇതിനെതിരെ വോട്ട് ചെയ്തു. തുടർന്ന് പ്രമേയം ഭൂരിപക്ഷം നോക്കി അംഗീകരിക്കുകയായിരുന്നു.

എന്നാൽ പൊതു സ്ഥാപനങ്ങളുടെ വിഭാഗത്തിൽ 52 ശതമാനം വോട്ടർമാർ മാത്രമാണ് ഈ നിർദ്ദേശത്തെ പിന്തുണച്ചത്. പൊതു സ്ഥാപനേതര വിഭാഗത്തിൽ 99.9 ശതമാനം പേരും നിർദ്ദേശത്തെ അനുകൂലിച്ചു. വിറ്റലിനും 88.6 ശതമാനം വോട്ടുകൾ അനുകൂലമായി ലഭിച്ചു, 11.3 ശതമാനം പേർ എതിരായും വോട്ട് രേഖപ്പെടുത്തി.

കമ്പനി നിയമപ്രകാരം നിശ്ചയിച്ചിട്ടുള്ള പരിധിയേക്കാൾ 21.19 കോടി രൂപയാണ് 2018-19 ലെ മിത്തലിന്റെ പ്രതിഫലം എന്ന് എജിഎമ്മിന്റെ അജണ്ടയുടെ രൂപരേഖയിൽ കമ്പനി ജൂലൈയിൽ വ്യക്തമാക്കിയിരുന്നു. എന്നിരുന്നാലും, 2016 ഓഗസ്റ്റ് 19 ന് ഓഹരി ഉടമകൾ അംഗീകരിച്ച പരിധിക്കുള്ളിലാണ് പ്രതിഫലം. ഇതനുസരിച്ച് ആഗസ്റ്റ് 14 ന് നടന്ന എജിഎമ്മിൽ ഭാരതി എയർടെൽ ഈ നിർദ്ദേശത്തിനും മറ്റ് വസ്തുക്കൾക്കും അനുമതി തേടുകയായിരുന്നു.

മിത്തലിന് നൽകിയ ആകെ പ്രതിഫലം ഏകദേശം 31 കോടി രൂപയാണ്. വിറ്റലിന് 20.9 കോടി രൂപയും. ജിയോയുടെ കടന്നു വരവും തുടർന്നുണ്ടായ താരിഫ് യുദ്ധം മൂലമാണ് ഭാരതി എയർടെല്ലിന്റെ വരുമാനവും ലാഭവും കുറഞ്ഞത്.

malayalam.goodreturns.in