ഉത്സവ സീസണിന് മുന്നോടിയായി ആമസോണിന്റെ ഏറ്റവും വലിയ ഓൺലൈൻ സെയിൽ ഗ്രേറ്റ് ഇന്ത്യൻ ഫെസ്റ്റിവൽ 2019 ന് ഒരുങ്ങുന്നു. മിഡ് റേഞ്ച് മുതൽ മുൻനിര സ്മാർട്ട്ഫോണുകൾ വരെ ഇ-കൊമേഴ്സ് പോർട്ടലിൽ വമ്പൻ ഡിസ്കൗണ്ട് ഓഫറിലാണ് കമ്പനി വാഗ്ദാനം ചെയ്യുന്നത്. ഓൺലൈൻ ഉപഭോക്താക്കൾ ഏറെ പ്രതീക്ഷയോടെ കാത്തിരിക്കുന്ന വിൽപ്പന സെപ്റ്റംബർ 29 മുതൽ ആരംഭിക്കും. പ്രൈം അംഗങ്ങൾക്ക് സെപ്റ്റംബർ 28 മുതൽ ഓഫറുകൾ ലഭ്യമാണ്.
ഇളവുകൾ ഇങ്ങനെ
മികച്ച ബ്രാൻഡഡ് സ്മാർട്ട്ഫോണുകൾക്ക് വലിയ കിഴിവുകൾ കൂടാതെ, എക്സ്ചേഞ്ച് ഓഫറുകളും ഇൻസ്റ്റന്റ് ഓഫറുകളും നോ കോസ്റ്റ് ഇഎംഐ ഓപ്ഷനുകളും ലഭ്യമാണ്. ഐഫോൺ എക്സ്ആർ, വൺ പ്ലസ് 7 പ്രോ, സാംസങ് ഗാലക്സി നോട്ട് 9 എന്നിവയ്ക്ക് വലിയ കിഴിവാണ് ആമസോൺ വാഗ്ദാനം ചെയ്യുന്നത്.
ഫോണുകളുടെ വില
നിലവിൽ, ആപ്പിൾ ഐഫോൺ എക്സ്ആറിന്റെ 64 ജിബിയുടെ വില 49,900 രൂപയാണ്. വൺപ്ലസ് 7 പ്രോ നിലവിൽ 48,999 രൂപയ്ക്കാണ് ലഭിക്കുന്നത്. എന്നാൽ രണ്ട് ഫോണുകളും ആമസോൺ ഓഫർ സെയിലിൽ വളരെ കുറഞ്ഞ വിലയ്ക്ക് ലഭ്യമാകും. നിലവിൽ സാംസങ് നോട്ടിന്റെ 6 ജിബി റാമും 128 ജിബി സ്റ്റോറേജുമുള്ള വേരിയന്റിന് 57,900 രൂപയാണ് വില. സാംസങ് ഗാലക്സി നോട്ട് 9 വിൽപ്പന സമയത്ത്, 42,999 രൂപയ്ക്ക് ലഭ്യമാകുമെന്നാണ് വിവരം.
ഇന്ത്യൻ മിലിട്ടറിയിൽ നിന്ന് പിരിഞ്ഞവർക്കും കുടുംബാംഗങ്ങൾക്കും ആമസോണിൽ ജോലി
വില കുറയുന്നവ
സാംസങ് ഗാലക്സി എം 10 എസ്, 8,999 രൂപയ്ക്ക് ലഭ്യമാകുമെന്നാണ് വിവരം. റെഡ്മി 7, 6,999 രൂപയ്ക്കും സാംസങ് ഗാലക്സി എം 30, 9,999 രൂപയ്ക്കും ലഭ്യമാകുമെന്നാണ് വിവരം. Xiaomi MiA3 യ്ക്ക് 12,999 രൂപയും Oppo K3 യ്ക്ക് 15,990 രൂപയും പോക്കോ എഫ് 1 ന്, 14,999 രൂപയുമായിരിക്കും ഓഫർ വില. വിവോ യു 10, 8,990 രൂപയ്ക്കും റെഡ്മി 7 എ, 4,999 രൂപയുമായിരിക്കും വില.
ഇനി മുതല് ആമസോണ് ഫ്രെഷ് പലചരക്ക് സാധനങ്ങള് വീടുകളില് എത്തിക്കും
മറ്റ് ഓഫറുകൾ
സാധാരണ ഓഫറുകൾ കൂടാതെ, എസ്ബിഐ ഡെബിറ്റ്, ക്രെഡിറ്റ് കാർഡുകൾ ഉപയോഗിക്കുമ്പോൾ ഉപഭോക്താവിന് 10% ഇൻസ്റ്റന്റ് കിഴിവ് ലഭിക്കും. ഡെബിറ്റ് കാർഡിനും ബജാജ് ഫിൻസെർവ് ഉപഭോക്താക്കൾക്കും വിലകുറഞ്ഞ നോ കോസ്റ്റ് ഇഎംഐ ഓപ്ഷനുകളും ഉണ്ടാകും. ഫോൺ കേസുകൾ, ഫോൺ കവറുകൾ, സ്ക്രീൻ പ്രൊട്ടക്റ്ററുകൾ, ചാർജറുകൾ തുടങ്ങിയവ വെറും 99 രൂപ മുതൽ ലഭിക്കും.
malayalam.goodreturns.in