പട്ടികയിൽ ആരൊക്കെ?

41 വ്യവസായങ്ങളിലായി 953 വ്യക്തികളെക്കുറിച്ചുള്ള വിവരങ്ങൾ ഈ വർഷം ഹൂറൺ ഇന്ത്യ റിച്ച് ലിസ്റ്റ് ശേഖരിച്ചു. ലിസ്റ്റിൽ ഉൾപ്പെടുത്തുന്നതിനുള്ള കട്ട് ഓഫ് മിനിമം 1,000 കോടി രൂപയാണ്. ഈ വർഷത്തെ പട്ടിക 15 ശതമാനം വർദ്ധിച്ചിട്ടുണ്ട്. അതായത് കഴിഞ്ഞ വർഷത്തെ അപേക്ഷിച്ച് 122 പേരെ കൂടി ഇത്തവണ ലിസ്റ്റിൽ ഉൾപ്പെടുത്തിയിട്ടുണ്ട്. 2016 ലെ ലിസ്റ്റുമായി താരതമ്യപ്പെടുത്തുമ്പോൾ, ഉൾപ്പെടുത്തിയ വ്യക്തികളുടെ എണ്ണം 181 ശതമാനം ഉയർന്നു.

ഏറ്റവും ധനികനായ ഇന്ത്യക്കാരൻ

റിലയൻസ് ഇൻഡസ്ട്രീസ് ഉടമയും 62 കാരനായ മുകേഷ് അംബാനിയാണ് ഇന്ത്യയിലെ ഏറ്റവും ധനികനായ വ്യക്തി. 3,80,700 കോടി രൂപയുടെ ആസ്തിയാണ് മുകേഷ് അംബാനിയ്ക്കുള്ളത്. ഇത് ഇന്ത്യയുടെ സെൻ‌ട്രൽ ബാങ്ക് കേന്ദ്ര സർക്കാരിന് കൈമാറിയ ചരിത്രപരമായ ലാഭവിഹിതത്തിന്റെ ഏകദേശം 2.2 ഇരട്ടിയാണ്. പട്ടികയിൽ ഉൾപ്പെട്ട ഇന്ത്യയിലെ ഏറ്റവും മികച്ച 10 സമ്പന്നരുടെ ലിസ്റ്റ് ചുവടെ ചേർക്കുന്നു.

ആദ്യ 10 പേർ

• മുകേഷ് അംബാനി
• എസ്പി ഹിന്ദുജ ആൻഡ് ഫാമിലി
• അസീം പ്രേംജി
• എൽഎൻ മിത്തൽ ആൻഡ് ഫാമിലി
• ​ഗൗതം അദാനി ആൻഡ് ഫാമിലി
• ഉദയ് കൊടക്
• സിറസ് എസ് പൂനവല്ല
• സിറസ് പല്ലോഞി മിസ്ത്രി
• ഷപൂർ പല്ലോഞി മിസ്ത്രി
• ദിലീപ് ഷാങ്‍വി

കണക്കുകൾ ഇങ്ങനെ

ഈ വർഷം അംബാനിയുടെ സമ്പത്ത് വെറും 3 ശതമാനം മാത്രമാണ് വളർന്നത്. കഴിഞ്ഞ വർഷം ഏറ്റവും വലിയ നേട്ടം കൈവരിച്ചത് ഗൗതം അദാനിയും കുടുംബവുമായിരുന്നു. അവരുടെ സമ്പത്ത് 33 ശതമാനം ഉയർന്നിരുന്നു. ഇത്തവണ സമ്പത്തി വർദ്ധിച്ച കോടീശ്വരന്മാർ വിപ്രോയിലെ അസിം പ്രേംജി, കൊട്ടക് മഹീന്ദ്ര ബാങ്കിന്റെ ഉദയ് കൊട്ടക്, സെറം ഇൻസ്റ്റിറ്റ്യൂട്ട് ഓഫ് ഇന്ത്യയിലെ സിറസ് പൂനവല്ല എന്നിവരാണ്.

സമ്പത്ത് കുറഞ്ഞ മറ്റ് കോടീശ്വരന്മാർ

സൺ ഫാർമസ്യൂട്ടിക്കൽസിലെ ദിലീപ് ഷാങ്‌വിയാണ് ആദ്യ പത്ത് ലിസ്റ്റിൽ ഉൾപ്പെടുകയും സമ്പത്ത് കുറഞ്ഞ് പോകുകയും ചെയ്ത മറ്റൊരു കോടീശ്വരൻ. ഇദ്ദേഹത്തിന്റെ സമ്പത്ത് 20 ശതമാനം കുറഞ്ഞു. ആഴ്സലർ മിത്തലിലെ എൽ.എൻ മിത്തലാണ് സമ്പത്തിൽ ഇടിവ് രേഖപ്പെടുത്തിയ ആദ്യ 10 സ്ഥാനത്തുള്ള മറ്റൊരു കോടീശ്വരൻ. ‌‌