ജിയോ - എയർടെൽ താരിഫ് യുദ്ധം ഉപഭോക്താക്കൾക്ക് ഏറെ നേട്ടമുണ്ടാക്കിയ കാര്യമാണ്. കാരണം ജിയോയുടെ കടന്നുവരിവിന് ശേഷമാണ് അതുവരെ വൻ ലാഭം ഉണ്ടാക്കിയിരുന്നു മറ്റ് ടെലികോം ഭീമന്മാർക്ക് റീച്ചാർജ് നിരക്കുകൾ കുത്തനെ കുറയ്ക്കേണ്ടി വന്നത്. ഇത് ഉപഭോക്താക്കൾക്ക് വൻ നേട്ടമുണ്ടാക്കുകയും ചെയ്തു. എന്നാൽ ഇപ്പോൾ ജിയോയും എയർടെല്ലും തമ്മിൽ നടക്കുന്നത് താരിഫ് യുദ്ധമല്ല, പകരം കോളുകളുടെ റിംഗ് സമയം സംബന്ധിച്ച തർക്കമാണ്.
റിംഗ് സമയം
കഴിഞ്ഞ കുറച്ച് ആഴ്ചകളായി, ജിയോ നെറ്റ്വർക്കിലെ ഔട്ട്ഗോയിംഗ് കോളുകളുടെ റിംഗ് സമയം കുറത്തിരുന്നു. ഇതിന് എതിരെ എയർടെൽ ട്രായിയിൽ പരാതി സമർപ്പിക്കുകയും ചെയ്തു. എന്നാൽ ട്രായ് ഒരു നടപടിയും സ്വീകരിക്കാത്തതിനാൽ, ജിയോയുടെ നീക്കത്തെ പ്രതിരോധിക്കാൻ എയർടെൽ അടുത്ത നടപടി സ്വീകരിക്കാനുള്ള പദ്ധതിയിലാണ്.
ജിയോ ഫൈബർ ബ്രോഡ്ബാൻഡ് സ്വന്തമാക്കുന്നവർക്ക് സൗജന്യമായി ലഭിക്കുന്നത് എന്തൊക്കൈ?
എയർടെല്ലിന്റെ റിംഗ് സമയം
ടെലികോം റെഗുലേറ്ററി അതോറിറ്റി ഓഫ് ഇന്ത്യയ്ക്ക് (ട്രായ്) അയച്ച കത്തിൽ എയർടെൽ ഔദ്യോഗികമായി റിംഗ് സമയം കുറയ്ക്കുന്ന കാര്യം പ്രഖ്യാപിച്ചു. എയർടെൽ നെറ്റ്വർക്കിലെ ഔട്ട്ഗോയിംഗ് കോളുകളുടെ റിംഗ് സമയം കുറയ്ക്കുകയാണെന്ന്. ഇതുവരെ, എയർടെൽ ഉപയോക്താക്കൾക്ക് 30 സെക്കൻഡ് നേരത്തേക്ക് റിംഗ് ചെയ്യാൻ കഴിഞ്ഞിരുന്നുവെന്നും എന്നാൽ ഇനി മുതൽ ഏത് നെറ്റ്വർക്കിലേക്കും കോളുകൾ ചെയ്യുമ്പോൾ വരിക്കാർക്ക് 25 സെക്കൻഡ് മാത്രമേ റിംഗ് ചെയ്യാൻ കഴിയൂ.
ജിയോയ്ക്ക് പിന്നാലെ മുകേഷ് അംബാനിയുടെ പുതിയ ബിസിനസ്; ഇത്തവണ പണി കിട്ടുന്നത് ആർക്കൊക്കെ?
ആദ്യം കുറച്ചത് ജിയോ
മുമ്പ്, ജിയോയാണ് എല്ലാ നെറ്റ്വർക്കിലേക്കുമുള്ള ഔട്ട്ഗോയിംഗ് കോളുകളുടെ റിംഗ് സമയം 20 സെക്കൻഡായി കുറച്ചത്. ഈ നീക്കം മറ്റ് ടെലികോം ഓപ്പറേറ്റർമാർ പരാതിപ്പെടാൻ കാരണമായി. ഇതിനെ തുടർന്ന് ജിയോ അടുത്തിടെ റിംഗ് സമയം 25 സെക്കൻഡായി ഉയർത്തി. എന്നിരുന്നാലും, ഇത് ഇപ്പോഴും വ്യവസായ ശരാശരിയായ 30 സെക്കൻഡിൽ താഴെയാണ്. ജിയോയുടെ റിംഗ് സമയം കുറച്ചതിനെക്കുറിച്ച് എയർടെൽ ട്രായിയോട് ആവർത്തിച്ച് പരാതിപ്പെട്ടിരുന്നു. എന്നാൽ ട്രായ് ഒരു നടപടിയും സ്വീകരിക്കാത്തതിനെ തുടർന്നാണ് എയർടെല്ലും അതിന്റെ ഔട്ട്ഗോയിംഗ് കോളുകളുടെ റിംഗ് സമയം കുറയ്ക്കുന്നതിനുള്ള നടപടി സ്വീകരിച്ചത്.
ജിയോ ഫൈബർ ബ്രോഡ്ബാൻഡ് പ്ലാൻ: അപേക്ഷിക്കേണ്ടത് എങ്ങനെ? ഇൻസ്റ്റാലേഷൻ ചാർജ് എത്ര?
സമയം കുറയ്ക്കുന്നത് എന്തുകൊണ്ട്?
ഔട്ട്ഗോയിംഗ് കോളുകളുടെ റിംഗ് സമയം കുറയ്ക്കാൻ എന്തുകൊണ്ടാണ് കമ്പനികൾ മത്സരിക്കുന്നതെന്ന് അറിയേണ്ടേ? ഒരു സബ്സ്ക്രൈബർ മറ്റൊരാൾക്ക് കോൾ ചെയ്യുമ്പോൾ,അവരുടെ ഓപ്പറേറ്റർ ഇന്റർകണക്ട് ഉപയോഗ ചാർജ് നൽകണം.ഒട്ട്ഗോയിംഗ് റിംഗ് സമയം കൂടും തോറും ഓപ്പറേറ്റർക്ക് കൂടുതൽ പണം നൽകേണ്ടിവരും. റിംഗ് സമയം കുറച്ചതോടെ, ചെലവ് ഗണ്യമായി കുറയുകയും കോൾ നഷ്ടപ്പെടുകയാണെങ്കിൽ, മറ്റ് കോളറിന്റെ നെറ്റ്വർക്കിനും ഇതേ ചെലവ് വഹിക്കേണ്ടിയും വരും.
malayalam.goodreturns.in