കഴിഞ്ഞ മാസത്തെ വില

ഒക്ടാബറിലെ ഏറ്റവും കുറഞ്ഞ വില ഒക്ടോബർ ഒന്നിന് രേഖപ്പെടുത്തിയ പവന് 27520 രൂപയാണ്. സെപ്റ്റംബറിലെ ഏറ്റവും കുറഞ്ഞ വില പവന് 27680 രൂപയായിരുന്നു. കൂടാതെ കഴിഞ്ഞ മാസം സ്വർണത്തിന് ചരിത്രത്തിലെ തന്നെ ഏറ്റവും ഉയർന്ന റെക്കോർഡ് വിലയും രേഖപ്പെടുത്തിയിരുന്നു. സെപ്റ്റംബർ നാലിനാണ് റെക്കോർഡ് വിലയായ 29120 രൂപയായി സ്വർണ വില ഉയർന്നത്.

സ്വർണ്ണ ഫ്യൂച്ചർ വില

എംസിഎക്‌സിലെ സ്വർണ്ണ ഫ്യൂച്ചറുകൾ 10 ഗ്രാമിന് 0.3 ശതമാനം ഉയർന്ന് 38,439 രൂപയിലെത്തി. ആഗോള വിപണിയിൽ വില ഉയർന്നതാണ് ആഭ്യന്തര വിപണിയിലും വില കുതിച്ചുയരാൻ കാരണം. ആഭ്യന്തര വിപണികളിൽ വെള്ളി വിലയിലും വർദ്ധനവ് രേഖപ്പെടുത്തിയിട്ടുണ്ട്. എംസിഎക്‌സിൽ സിൽവർ ഫ്യൂച്ചറുകൾ 0.26 ശതമാനം ഉയർന്ന് കിലോയ്ക്ക് 45,499 രൂപയിലെത്തി.

ആഗോള വിപണി

ആഗോള വിപണിയിൽ സ്വർണ വില ആറ് വർഷത്തിനിടയിലെ ഏറ്റവും ഉയർന്ന നിരക്കായ ഔൺസിന് 1,550 ഡോളറിനു മുകളിലാണ്. ആഗോള വിപണിയിൽ ഇന്ന് സ്വർണ വില 0.3 ശതമാനം ഉയർന്ന് ഔൺസിന് 1,508.23 ഡോളറിലെത്തി. യുഎസും ചൈനയും തമ്മിലുള്ള വാണിജ്യ ചർച്ചകളിലെ വഴിത്തിരിവ് സ്വർണ്ണ വിലയ്ക്ക് പിന്തുണ നൽകി. യുഎസ്-ചൈന വ്യാപാര ചർച്ചകളുടെ അടുത്ത റൗണ്ട് ഈ ആഴ്ച അവസാനം നടക്കും.

ആവശ്യക്കാരുടെ എണ്ണം കൂടും

അടുത്തിടെ വില കുറഞ്ഞത് സ്വർണത്തിന്റെ ഡിമാൻഡിൽ ചില വർധനവിന് കാരണമായി. സ്വർണം വാങ്ങുന്നത് ശുഭസൂചനയായി കണക്കാക്കുന്നതിനാൽ ദസറയും ദീപാവലി സമയത്ത് കൂടുതൽ വിൽപ്പനയ്ക്ക് സാധ്യതയുണ്ടെന്നാണ് വ്യാപാരികളുടെ വിലയിരുത്തൽ. കഴിഞ്ഞ മാസം ഇന്ത്യയിലേക്കുള്ള സ്വർണ്ണ ഇറക്കുമതി 70 ശതമാനം ഇടിഞ്ഞിരുന്നു.

ഗോൾഡ് ബോണ്ട് വിൽപ്പന

സോവറിൻ ഗോൾഡ് ബോണ്ട് സ്കീം 2019-20 - സീരീസ് 5 ഇന്ന് സബ്സ്ക്രിപ്ഷനായി തുറന്നു. ഒരു ഗ്രാമിന് 3,788 രൂപയാണ് നിരക്ക്. ഓൺലൈനിൽ അപേക്ഷിക്കുകയും ഡിജിറ്റൽ മോഡ് വഴി ബോണ്ട് വാങ്ങുന്നതിന് പണമടയ്ക്കുകയും ചെയ്യുന്ന നിക്ഷേപകർക്ക് 10 ഗ്രാമിന് 50 രൂപ കിഴിവ് ലഭിക്കും.