ഈ വർഷം ആദ്യം കോഗ്നിസൻറ് സിഇഒ സ്ഥാനത്തുനിന്ന് സ്ഥാനമൊഴിഞ്ഞ ഫ്രാൻസിസ്കോ ഡിസൂസ കമ്പനിയിൽ നിന്ന് സമ്പാദിച്ചത് 19.1 കോടി ഡോളർ. 2007 മുതൽ കോഗ്നിസിന്റെ സിഇഒ ആയിരുന്നു ഫ്രാൻസിസ്കോ. യുഎസ് ഗവേഷണ സ്ഥാപനമായ ഇക്വിലാറിന്റെ ഒരു ബ്ലോഗ്പോസ്റ്റ് അനുസരിച്ച് സമ്പാദിച്ച തുകയിൽ അധികവും സ്റ്റോക്കുകളുടെയും ഓപ്ഷനുകളുടെയും രൂപത്തിലാണ് നേടിയത്.
ഡിസൂസയ്ക്കായുള്ള കോഗ്നിസന്റിന്റെ വാർഷിക പ്രോക്സി സ്റ്റേറ്റ്മെന്റുകളിൽ 10.43 കോടി ഡോളറിൽ കൂടുതലെന്നാണ് കണക്കുകൾ. ഈ കാലയളവിലെ ഓഹരികളുടെ മികച്ച പ്രകടനമാണ് ഇദ്ദേഹത്തിന്റെ സമ്പാദ്യം കുതിച്ചുയരാൻ കാരണം.
സിഇഒമാരുടെ ശമ്പളം കേട്ട് ഞെട്ടേണ്ട; ഇൻഫോസിസ് സിഇഒയുടെ ശമ്പളം 26.67 കോടി
ശമ്പളവും നേടിയ സമ്പാദ്യവും തമ്മിലുള്ള ഏറ്റവും വലിയ അന്തരം 2016ലാണ് കണ്ടെത്തിയതെന്ന് ഇക്വിലറിലെ സീനിയർ റിസർച്ച് അനലിസ്റ്റ് അലക്സ് നോൾട്ടൺ അഭിപ്രായപ്പെട്ടു. കോമ്പൻസേഷൻ പട്ടികയിൽ റിപ്പോർട്ടു ചെയ്ത ശമ്പളത്തിന്റെ നാലിരട്ടിയോളം വരും ആ വർഷത്തെ ആകെ സമ്പാദ്യം. 2016 ൽ ഡിസൂസയുടെ ശമ്പളം 32.9 മില്യൺ ഡോളറാണെന്നും റിപ്പോർട്ടുചെയ്ത ശമ്പളം 8.3 മില്യൺ ഡോളറാണെന്നും.
2016 ൽ ഡിസൂസയ്ക്ക് ലഭിച്ച ശമ്പളം 3.29 കോടി ഡോളറാണെന്നും എന്നാൽ നൽകേണ്ടിയിരുന്നത് 83 ലക്ഷം ഡോളറായിരുന്നെന്നും റിപ്പോർട്ടിൽ പറയുന്നു. 2008, സിഇഒ കാലാവധിയുടെ രണ്ടാം വർഷത്തിൽ ഒഴികെ എല്ലാ വർഷവും കമ്പനി നിശ്ചയിച്ചിരുന്ന ശമ്പളത്തേക്കാൾ കൂടുതലാണ് ഡിസൂസയ്ക്ക് ലഭിച്ച ശമ്പളം. ഡിസൂസ സിഇഒ ആയിരുന്ന കാലത്ത് കമ്പനിയുടെ വരുമാനം വിപ്രോ, ഇൻഫോസിസ് എന്നിവയെ മറികടന്നിരുന്നു. ഈ കാലയളവിൽ, ഓഹരി വില കുത്തനെ ഉയർന്നു. 2018 മാർച്ചിൽ കമ്പനിയുടോ ഓഹരി വില ഏറ്റവും ഉയർന്ന നിലയിലെത്തിയിരുന്നു.
ശമ്പള ആനൂകൂല്യങ്ങൾ സ്വയം വേണ്ടെന്ന് വച്ച് ഗൂഗിൾ സിഇഒ സുന്ദർ പിച്ചൈ
malayalam.goodreturns.in